२२-१५. सनिदस्सनत्तिक-सासवदुकं

१०२. अनिदस्सनअप्पटिघं सासवं धम्मं पच्चया नसनिदस्सनसप्पटिघो नसासवो धम्मो उप्पज्जति हेतुपच्चया. अनिदस्सनअप्पटिघं सासवं धम्मं पच्चया नअनिदस्सनसप्पटिघो नसासवो धम्मो उप्पज्जति हेतुपच्चया. अनिदस्सनअप्पटिघं सासवं धम्मं पच्चया नसनिदस्सनसप्पटिघो नसासवो च नअनिदस्सनसप्पटिघो नसासवो च धम्मा उप्पज्जन्ति हेतुपच्चया. हेतुया तीणि.

अनिदस्सनअप्पटिघं अनासवं धम्मं पटिच्च नअनिदस्सनअप्पटिघो नअनासवो धम्मो उप्पज्जति हेतुपच्चया. अनिदस्सनअप्पटिघं अनासवं धम्मं पटिच्च नसनिदस्सनसप्पटिघो नअनासवो धम्मो उप्पज्जति हेतुपच्चया…पे…. अनिदस्सनअप्पटिघं अनासवं धम्मं पटिच्च नसनिदस्सनसप्पटिघो नअनासवो च नअनिदस्सनसप्पटिघो नअनासवो च धम्मा उप्पज्जन्ति हेतुपच्चया… हेतुया छ.