२२-१६. सनिदस्सनत्तिक-आसवसम्पयुत्तदुकं

१०३. अनिदस्सनअप्पटिघं आसवसम्पयुत्तं धम्मं पटिच्च नअनिदस्सनअप्पटिघो नआसवसम्पयुत्तो धम्मो उप्पज्जति हेतुपच्चया. अनिदस्सनअप्पटिघं आसवसम्पयुत्तं धम्मं पटिच्च नसनिदस्सनसप्पटिघो नआसवसम्पयुत्तो धम्मो उप्पज्जति हेतुपच्चया…पे… अनिदस्सनअप्पटिघं आसवसम्पयुत्तं धम्मं पटिच्च नसनिदस्सनसप्पटिघो नआसवसम्पयुत्तो च नअनिदस्सनसप्पटिघो नआसवसम्पयुत्तो च धम्मा उप्पज्जन्ति हेतुपच्चया… हेतुया छ.

अनिदस्सनअप्पटिघं आसवविप्पयुत्तं धम्मं पटिच्च नसनिदस्सनसप्पटिघो नआसवविप्पयुत्तो धम्मो उप्पज्जति हेतुपच्चया… हेतुया तीणि.