२२-१. सनिदस्सनत्तिक-हेतुदुकं

८८. अनिदस्सनअप्पटिघं हेतुं धम्मं पटिच्च नअनिदस्सनअप्पटिघो नहेतु धम्मो उप्पज्जति हेतुपच्चया. अनिदस्सनअप्पटिघं हेतुं धम्मं पटिच्च नसनिदस्सनसप्पटिघो नहेतु धम्मो उप्पज्जति हेतुपच्चया…पे… अनिदस्सनअप्पटिघं हेतुं धम्मं पटिच्च नसनिदस्सनसप्पटिघो नहेतु च नअनिदस्सनसप्पटिघो नहेतु च धम्मा उप्पज्जन्ति हेतुपच्चया… हेतुया छ.

८९. अनिदस्सनअप्पटिघं नहेतुं धम्मं पटिच्च नसनिदस्सनसप्पटिघो ननहेतु धम्मो उप्पज्जति हेतुपच्चया. अनिदस्सनअप्पटिघं नहेतुं धम्मं पटिच्च नअनिदस्सनसप्पटिघो ननहेतु धम्मो उप्पज्जति हेतुपच्चया. अनिदस्सनअप्पटिघं नहेतुं धम्मं पटिच्च नसनिदस्सनसप्पटिघो ननहेतु च नअनिदस्सनसप्पटिघो ननहेतु च धम्मा उप्पज्जन्ति हेतुपच्चया. हेतुया तीणि.