१-५९. कुसलत्तिक-चित्तसंसट्ठदुकं

३७. कुसलं चित्तसंसट्ठं धम्मं पटिच्च नकुसलो नचित्तसंसट्ठो धम्मो उप्पज्जति हेतुपच्चया. कुसलं चित्तसंसट्ठं धम्मं पटिच्च नअकुसलो नचित्तसंसट्ठो धम्मो उप्पज्जति हेतुपच्चया. कुसलं चित्तसंसट्ठं धम्मं पटिच्च नअब्याकतो नचित्तसंसट्ठो धम्मो उप्पज्जति हेतुपच्चया. कुसलं चित्तसंसट्ठं धम्मं पटिच्च नअकुसलो नचित्तसंसट्ठो च नअब्याकतो नचित्तसंसट्ठो च धम्मा उप्पज्जन्ति हेतुपच्चया. कुसलं चित्तसंसट्ठं धम्मं पटिच्च नकुसलो नचित्तसंसट्ठो च नअकुसलो नचित्तसंसट्ठो च धम्मा उप्पज्जन्ति हेतुपच्चया. पञ्च.

अकुसलं चित्तसंसट्ठं धम्मं पटिच्च नअकुसलो नचित्तसंसट्ठो धम्मो उप्पज्जति हेतुपच्चया. अकुसलं चित्तसंसट्ठं धम्मं पटिच्च नकुसलो नचित्तसंसट्ठो धम्मो उप्पज्जति हेतुपच्चया. अकुसलं चित्तसंसट्ठं धम्मं पटिच्च नअब्याकतो नचित्तसंसट्ठो धम्मो उप्पज्जति हेतुपच्चया. अकुसलं चित्तसंसट्ठं धम्मं पटिच्च नकुसलो नचित्तसंसट्ठो च नअब्याकतो नचित्तसंसट्ठो च धम्मा उप्पज्जन्ति हेतुपच्चया. अकुसलं चित्तसंसट्ठं धम्मं पटिच्च नकुसलो नचित्तसंसट्ठो च नअकुसलो नचित्तसंसट्ठो च धम्मा उप्पज्जन्ति हेतुपच्चया. पञ्च.

अब्याकतं चित्तसंसट्ठं धम्मं पटिच्च नकुसलो नचित्तसंसट्ठो धम्मो उप्पज्जति हेतुपच्चया. अब्याकतं चित्तसंसट्ठं धम्मं पटिच्च नअकुसलो नचित्तसंसट्ठो धम्मो उप्पज्जति हेतुपच्चया. अब्याकतं चित्तसंसट्ठं धम्मं पटिच्च नकुसलो नचित्तसंसट्ठो च नअकुसलो नचित्तसंसट्ठो च धम्मा उप्पज्जन्ति हेतुपच्चया. तीणि. (संखित्तं.) हेतुया तेरस.