१-६०. कुसलत्तिक-चित्तसमुट्ठानदुकं

३८. कुसलं चित्तसमुट्ठानं धम्मं पटिच्च नअकुसलो नचित्तसमुट्ठानो धम्मो उप्पज्जति हेतुपच्चया. कुसलं चित्तसमुट्ठानं धम्मं पटिच्च नअब्याकतो नचित्तसमुट्ठानो धम्मो उप्पज्जति हेतुपच्चया. कुसलं चित्तसमुट्ठानं धम्मं पटिच्च नअकुसलो नचित्तसमुट्ठानो च नअब्याकतो नचित्तसमुट्ठानो च धम्मा उप्पज्जन्ति हेतुपच्चया. तीणि.

अकुसलं चित्तसमुट्ठानं धम्मं पटिच्च नअकुसलो नचित्तसमुट्ठानो धम्मो उप्पज्जति हेतुपच्चया. अकुसलं चित्तसमुट्ठानं धम्मं पटिच्च नअब्याकतो नचित्तसमुट्ठानो धम्मो उप्पज्जति हेतुपच्चया. अकुसलं चित्तसमुट्ठानं धम्मं पटिच्च नकुसलो नचित्तसमुट्ठानो च नअब्याकतो नचित्तसमुट्ठानो च धम्मा उप्पज्जन्ति हेतुपच्चया. तीणि.

अब्याकतं चित्तसमुट्ठानं धम्मं पटिच्च नकुसलो नचित्तसमुट्ठानो धम्मो उप्पज्जति हेतुपच्चया… तीणि. हेतुया नव…पे… अविगते नव.

३९. कुसलं नोचित्तसमुट्ठानं धम्मं पटिच्च नकुसलो ननोचित्तसमुट्ठानो धम्मो उप्पज्जति हेतुपच्चया… पञ्च.

अकुसलं नोचित्तसमुट्ठानं धम्मं पटिच्च नअकुसलो ननोचित्तसमुट्ठानो धम्मो उप्पज्जति हेतुपच्चया… पञ्च.

अब्याकतं नोचित्तसमुट्ठानं धम्मं पटिच्च नकुसलो ननोचित्तसमुट्ठानो धम्मो उप्पज्जति हेतुपच्चया… तीणि. हेतुया तेरस…पे… अविगते तेरस.