१-५८. कुसलत्तिक-चित्तसम्पयुत्तदुकं

३६. कुसलं चित्तसम्पयुत्तं धम्मं पटिच्च नकुसलो नचित्तसम्पयुत्तो धम्मो उप्पज्जति हेतुपच्चया. कुसलं चित्तसम्पयुत्तं धम्मं पटिच्च नअकुसलो नचित्तसम्पयुत्तो धम्मो उप्पज्जति हेतुपच्चया. कुसलं चित्तसम्पयुत्तं धम्मं पटिच्च नअब्याकतो नचित्तसम्पयुत्तो धम्मो उप्पज्जति हेतुपच्चया. कुसलं चित्तसम्पयुत्तं धम्मं पटिच्च नअकुसलो नचित्तसम्पयुत्तो च नअब्याकतो नचित्तसम्पयुत्तो च धम्मा उप्पज्जन्ति हेतुपच्चया. कुसलं चित्तसम्पयुत्तं धम्मं पटिच्च नकुसलो नचित्तसम्पयुत्तो च नअकुसलो नचित्तसम्पयुत्तो च धम्मा उप्पज्जन्ति हेतुपच्चया. पञ्च.

अकुसलं चित्तसम्पयुत्तं धम्मं पटिच्च नअकुसलो नचित्तसम्पयुत्तो धम्मो उप्पज्जति हेतुपच्चया… पञ्च.

अब्याकतं चित्तसम्पयुत्तं धम्मं पटिच्च नकुसलो नचित्तसम्पयुत्तो धम्मो उप्पज्जति हेतुपच्चया. अब्याकतं चित्तसम्पयुत्तं धम्मं पटिच्च नअकुसलो नचित्तसम्पयुत्तो धम्मो उप्पज्जति हेतुपच्चया. अब्याकतं चित्तसम्पयुत्तं धम्मं पटिच्च नकुसलो नचित्तसम्पयुत्तो च नअकुसलो नचित्तसम्पयुत्तो च धम्मा उप्पज्जन्ति हेतुपच्चया. तीणि. (संखित्तं.) हेतुया तेरस. चित्तविप्पयुत्ते तीणि.