१-५७. कुसलत्तिक-चेतसिकदुकं

३५. कुसलं चेतसिकं धम्मं पटिच्च नकुसलो नचेतसिको धम्मो उप्पज्जति हेतुपच्चया. कुसलं चेतसिकं धम्मं पटिच्च नअकुसलो नचेतसिको धम्मो उप्पज्जति हेतुपच्चया. कुसलं चेतसिकं धम्मं पटिच्च नअब्याकतो नचेतसिको धम्मो उप्पज्जति हेतुपच्चया. कुसलं चेतसिकं धम्मं पटिच्च नअकुसलो नचेतसिको च नअब्याकतो नचेतसिको च धम्मा उप्पज्जन्ति हेतुपच्चया. कुसलं चेतसिकं धम्मं पटिच्च नकुसलो नचेतसिको च नअकुसलो नचेतसिको च धम्मा उप्पज्जन्ति हेतुपच्चया. पञ्च.

अकुसलं चेतसिकं धम्मं पटिच्च नअकुसलो नचेतसिको धम्मो उप्पज्जति हेतुपच्चया. अकुसलं चेतसिकं धम्मं पटिच्च नकुसलो नचेतसिको धम्मो उप्पज्जति हेतुपच्चया. अकुसलं चेतसिकं धम्मं पटिच्च नअब्याकतो नचेतसिको धम्मो उप्पज्जति हेतुपच्चया. अकुसलं चेतसिकं धम्मं पटिच्च नकुसलो नचेतसिको च नअब्याकतो नचेतसिको च धम्मा उप्पज्जन्ति हेतुपच्चया. अकुसलं चेतसिकं धम्मं पटिच्च नकुसलो नचेतसिको च नअकुसलो नचेतसिको च धम्मा उप्पज्जन्ति हेतुपच्चया. पञ्च.

अब्याकतं चेतसिकं धम्मं पटिच्च नकुसलो नचेतसिको धम्मो उप्पज्जति हेतुपच्चया. अब्याकतं चेतसिकं धम्मं पटिच्च नअकुसलो नचेतसिको धम्मो उप्पज्जति हेतुपच्चया. अब्याकतं चेतसिकं धम्मं पटिच्च नकुसलो नचेतसिको च नअकुसलो नचेतसिको च धम्मा उप्पज्जन्ति हेतुपच्चया. तीणि.

हेतुया तेरस. अचेतसिकानि नव.