१-५६. कुसलत्तिक-चित्तदुकं

३३. कुसलं चित्तं धम्मं पटिच्च नकुसलो नचित्तो धम्मो उप्पज्जति हेतुपच्चया. कुसलं चित्तं धम्मं पटिच्च नअकुसलो नचित्तो धम्मो उप्पज्जति हेतुपच्चया. कुसलं चित्तं धम्मं पटिच्च नअब्याकतो नचित्तो धम्मो उप्पज्जति हेतुपच्चया. कुसलं चित्तं धम्मं पटिच्च नअकुसलो नचित्तो च नअब्याकतो नचित्तो च धम्मा उप्पज्जन्ति हेतुपच्चया. कुसलं चित्तं धम्मं पटिच्च नकुसलो नचित्तो च नअकुसलो नचित्तो च धम्मा उप्पज्जन्ति हेतुपच्चया. पञ्च.

अकुसलं चित्तं धम्मं पटिच्च नअकुसलो नचित्तो धम्मो उप्पज्जति हेतुपच्चया. अकुसलं चित्तं धम्मं पटिच्च नकुसलो नचित्तो धम्मो उप्पज्जति हेतुपच्चया. अकुसलं चित्तं धम्मं पटिच्च नअब्याकतो नचित्तो धम्मो उप्पज्जति हेतुपच्चया. अकुसलं चित्तं धम्मं पटिच्च नकुसलो नचित्तो च नअब्याकतो नचित्तो च धम्मा उप्पज्जन्ति हेतुपच्चया. अकुसलं चित्तं धम्मं पटिच्च नकुसलो नचित्तो च नअकुसलो नचित्तो च धम्मा उप्पज्जन्ति हेतुपच्चया. पञ्च.

अब्याकतं चित्तं धम्मं पटिच्च नकुसलो नचित्तो धम्मो उप्पज्जति हेतुपच्चया. अब्याकतं चित्तं धम्मं पटिच्च नअकुसलो नचित्तो धम्मो उप्पज्जति हेतुपच्चया. अब्याकतं चित्तं धम्मं पटिच्च नकुसलो नचित्तो च नअकुसलो नचित्तो च धम्मा उप्पज्जन्ति हेतुपच्चया. तीणि. हेतुया तेरस.

३४. कुसलं नोचित्तं धम्मं पटिच्च नअकुसलो ननोचित्तो धम्मो उप्पज्जति हेतुपच्चया. कुसलं नोचित्तं धम्मं पटिच्च नअब्याकतो ननोचित्तो धम्मो उप्पज्जति हेतुपच्चया. कुसलं नोचित्तं धम्मं पटिच्च नअकुसलो ननोचित्तो च नअब्याकतो ननोचित्तो च धम्मा उप्पज्जन्ति हेतुपच्चया. तीणि.

अकुसलं नोचित्तं धम्मं पटिच्च नकुसलो ननोचित्तो धम्मो उप्पज्जति हेतुपच्चया. अकुसलं नोचित्तं धम्मं पटिच्च नअब्याकतो ननोचित्तो धम्मो उप्पज्जति हेतुपच्चया. अकुसलं नोचित्तं धम्मं पटिच्च नकुसलो ननोचित्तो च नअब्याकतो ननोचित्तो च धम्मा उप्पज्जन्ति हेतुपच्चया. तीणि.

अब्याकतानि तीणि. हेतुया नव.