१-५५. कुसलत्तिक-सारम्मणदुकं

३१. कुसलं सारम्मणं धम्मं पटिच्च नकुसलो नसारम्मणो धम्मो उप्पज्जति हेतुपच्चया. कुसलं सारम्मणं धम्मं पटिच्च नअकुसलो नसारम्मणो धम्मो उप्पज्जति हेतुपच्चया. कुसलं सारम्मणं धम्मं पटिच्च नकुसलो नसारम्मणो च नअकुसलो नसारम्मणो च धम्मा उप्पज्जन्ति हेतुपच्चया. तीणि.

अकुसलं सारम्मणं धम्मं पटिच्च नअकुसलो नसारम्मणो धम्मो उप्पज्जति हेतुपच्चया. अकुसलं सारम्मणं धम्मं पटिच्च नकुसलो नसारम्मणो धम्मो उप्पज्जति हेतुपच्चया. अकुसलं सारम्मणं धम्मं पटिच्च नकुसलो नसारम्मणो च नअकुसलो नसारम्मणो च धम्मा उप्पज्जन्ति हेतुपच्चया. तीणि.

अब्याकतं सारम्मणं धम्मं पटिच्च नकुसलो नसारम्मणो धम्मो उप्पज्जति हेतुपच्चया. तीणि.

हेतुया नव.

३२. अब्याकतं अनारम्मणं धम्मं पटिच्च नकुसलो नअनारम्मणो धम्मो उप्पज्जति हेतुपच्चया. अब्याकतं अनारम्मणं धम्मं पटिच्च नअकुसलो नअनारम्मणो धम्मो उप्पज्जति हेतुपच्चया. अब्याकतं अनारम्मणं धम्मं पटिच्च नकुसलो नअनारम्मणो च नअकुसलो नअनारम्मणो च धम्मा उप्पज्जन्ति हेतुपच्चया. (संखित्तं.) हेतुया तीणि.