१-१३. कुसलत्तिक-केनचिविञ्ञेय्यदुकं

२२. कुसलं केनचि विञ्ञेय्यं धम्मं पटिच्च नकुसलो नकेनचि विञ्ञेय्यो धम्मो उप्पज्जति हेतुपच्चया. कुसलं केनचि विञ्ञेय्यं धम्मं पटिच्च नअकुसलो नकेनचि विञ्ञेय्यो धम्मो उप्पज्जति हेतुपच्चया. कुसलं केनचि विञ्ञेय्यं धम्मं पटिच्च नअब्याकतो नकेनचि विञ्ञेय्यो धम्मो उप्पज्जति हेतुपच्चया. (संखित्तं.) हेतुया एकूनवीसति.

२३. कुसलं केनचि नविञ्ञेय्यं धम्मं पटिच्च नकुसलो नकेनचि नविञ्ञेय्यो धम्मो उप्पज्जति हेतुपच्चया. कुसलं केनचि नविञ्ञेय्यं धम्मं पटिच्च नअकुसलो नकेनचि नविञ्ञेय्यो धम्मो उप्पज्जति हेतुपच्चया. कुसलं केनचि नविञ्ञेय्यं धम्मं पटिच्च नअब्याकतो नकेनचि नविञ्ञेय्यो धम्मो उप्पज्जति हेतुपच्चया. (संखित्तं.)

(एतेन उपायेन केनचि नविञ्ञेय्ये एकूनवीसति पञ्हा कातब्बा.)