१००. सरणदुकं

१-६. पटिच्चवारादि

५२. सरणं धम्मं पटिच्च नसरणो धम्मो उप्पज्जति हेतुपच्चया. सरणं धम्मं पटिच्च नअरणो धम्मो उप्पज्जति हेतुपच्चया. सरणं धम्मं पटिच्च नसरणो च नअरणो च धम्मा उप्पज्जन्ति हेतुपच्चया. (३)

अरणं धम्मं पटिच्च नअरणो धम्मो उप्पज्जति हेतुपच्चया. (१)

सरणञ्च अरणञ्च धम्मं पटिच्च नसरणो धम्मो उप्पज्जति हेतुपच्चया. (१) हेतुया पञ्च, आरम्मणे द्वे…पे… अविगते पञ्च.

पच्चनीयं

नहेतुपच्चयो

५३. सरणं धम्मं पटिच्च नसरणो धम्मो उप्पज्जति नहेतुपच्चया. (१)

अरणं धम्मं पटिच्च ननअरणो धम्मो उप्पज्जति नहेतुपच्चया. (संखित्तं.)

नहेतुया द्वे, न आरम्मणे तीणि…पे… नोविगते तीणि.

(सहजातवारम्पि पच्चयवारम्पि निस्सयवारम्पि संसट्ठवारम्पि सम्पयुत्तवारम्पि पटिच्चवारसदिसं वित्थारेतब्बं.)