अब्याकतपदं

हेतुपच्चयो

१४. सञ्ञोजनियं अब्याकतं धम्मं पटिच्च सञ्ञोजनियो अब्याकतो धम्मो उप्पज्जति हेतुपच्चया. (१)

असञ्ञोजनियं अब्याकतं धम्मं पटिच्च असञ्ञोजनियो अब्याकतो धम्मो उप्पज्जति हेतुपच्चया. असञ्ञोजनियं अब्याकतं धम्मं पटिच्च सञ्ञोजनियो अब्याकतो धम्मो उप्पज्जति हेतुपच्चया. असञ्ञोजनियं अब्याकतं धम्मं पटिच्च सञ्ञोजनियो अब्याकतो च असञ्ञोजनियो अब्याकतो च धम्मा उप्पज्जन्ति हेतुपच्चया. (३)

सञ्ञोजनियं अब्याकतञ्च असञ्ञोजनियं अब्याकतञ्च धम्मं पटिच्च सञ्ञोजनियो अब्याकतो धम्मो उप्पज्जति हेतुपच्चया. (१)

१५. हेतुया पञ्च, आरम्मणे द्वे, अधिपतिया पञ्च…पे… अविगते पञ्च (संखित्तं).

चूळन्तरदुके लोकियदुकसदिसं. (सहजातवारोपि…पे… सम्पयुत्तवारोपि वित्थारेतब्बा.)