१-७. पटिच्चवारादि

पच्चयचतुक्कं

हेतुपच्चयो

१०. सञ्ञोजनियं कुसलं धम्मं पटिच्च सञ्ञोजनियो कुसलो धम्मो उप्पज्जति हेतुपच्चया. (१)

असञ्ञोजनियं कुसलं धम्मं पटिच्च असञ्ञोजनियो कुसलो धम्मो उप्पज्जति हेतुपच्चया. (१) (संखित्तं.)

११. हेतुया द्वे, आरम्मणे द्वे (संखित्तं).

(यथा चूळन्तरदुके लोकियदुकगमनं, एवं इमम्पि ञातब्बं. सहजातवारोपि…पे… पञ्हावारोपि वित्थारेतब्बा.)

१२. सञ्ञोजनियं अकुसलं धम्मं पटिच्च सञ्ञोजनियो अकुसलो धम्मो उप्पज्जति हेतुपच्चया (संखित्तं).

१३. हेतुया एकं, आरम्मणे एकं…पे… अविगते एकं (संखित्तं).

(सहजातवारेपि…पे… पञ्हावारेपि सब्बत्थ एकं.)

अब्याकतपदं

हेतुपच्चयो

१४. सञ्ञोजनियं अब्याकतं धम्मं पटिच्च सञ्ञोजनियो अब्याकतो धम्मो उप्पज्जति हेतुपच्चया. (१)

असञ्ञोजनियं अब्याकतं धम्मं पटिच्च असञ्ञोजनियो अब्याकतो धम्मो उप्पज्जति हेतुपच्चया. असञ्ञोजनियं अब्याकतं धम्मं पटिच्च सञ्ञोजनियो अब्याकतो धम्मो उप्पज्जति हेतुपच्चया. असञ्ञोजनियं अब्याकतं धम्मं पटिच्च सञ्ञोजनियो अब्याकतो च असञ्ञोजनियो अब्याकतो च धम्मा उप्पज्जन्ति हेतुपच्चया. (३)

सञ्ञोजनियं अब्याकतञ्च असञ्ञोजनियं अब्याकतञ्च धम्मं पटिच्च सञ्ञोजनियो अब्याकतो धम्मो उप्पज्जति हेतुपच्चया. (१)

१५. हेतुया पञ्च, आरम्मणे द्वे, अधिपतिया पञ्च…पे… अविगते पञ्च (संखित्तं).

चूळन्तरदुके लोकियदुकसदिसं. (सहजातवारोपि…पे… सम्पयुत्तवारोपि वित्थारेतब्बा.)