१-६. पटिच्चवारादि

पच्चयचतुक्कं

हेतुपच्चयो

९७. नहेतुं सहेतुकं अब्याकतं धम्मं पटिच्च नहेतु सहेतुको अब्याकतो धम्मो उप्पज्जति हेतुपच्चया. नहेतुं सहेतुकं अब्याकतं धम्मं पटिच्च नहेतु अहेतुको अब्याकतो धम्मो उप्पज्जति हेतुपच्चया. नहेतुं सहेतुकं अब्याकतं धम्मं पटिच्च नहेतु सहेतुको अब्याकतो च नहेतु अहेतुको अब्याकतो च धम्मा उप्पज्जन्ति हेतुपच्चया. (३)

नहेतुं अहेतुकं अब्याकतं धम्मं पटिच्च नहेतु अहेतुको अब्याकतो धम्मो उप्पज्जति हेतुपच्चया… तीणि.

नहेतुं सहेतुकं अब्याकतञ्च नहेतुं अहेतुकं अब्याकतञ्च धम्मं पटिच्च नहेतु सहेतुको अब्याकतो धम्मो उप्पज्जति हेतुपच्चया… तीणि (संखित्तं).

९८. हेतुया नव, आरम्मणे चत्तारि, अधिपतिया पञ्च…पे… पुरेजाते आसेवने द्वे, कम्मे नव, विपाके नव…पे… अविगते नव (संखित्तं).

नहेतुपच्चयो

९९. नहेतुं अहेतुकं अब्याकतं धम्मं पटिच्च नहेतु अहेतुको अब्याकतो धम्मो उप्पज्जति नहेतुपच्चया (संखित्तं).

१००. नहेतुया एकं, नआरम्मणे तीणि, नअधिपतिया नव, नअनन्तरे तीणि, नसमनन्तरे तीणि, नअञ्ञमञ्ञे तीणि, नउपनिस्सये तीणि, नपुरेजाते नव, नपच्छाजाते नव, नआसेवने नव, नकम्मे द्वे, नविपाके पञ्च, नआहारे एकं, नइन्द्रिये एकं, नझाने एकं, नमग्गे एकं, नसम्पयुत्ते तीणि, नविप्पयुत्ते द्वे, नोनत्थिया तीणि, नोविगते तीणि (संखित्तं).

हेतुपच्चया नआरम्मणे तीणि (संखित्तं).

नहेतुपच्चया आरम्मणे एकं (संखित्तं).

(सहजातवारोपि पच्चयवारोपि निस्सयवारोपि संसट्ठवारोपि सम्पयुत्तवारोपि पटिच्चवारसदिसा वित्थारेतब्बा.)