७. पञ्हावारो

पच्चयचतुक्कं

आरम्मणपच्चयो

१०१. नहेतु सहेतुको अब्याकतो धम्मो नहेतुस्स सहेतुकस्स अब्याकतस्स धम्मस्स आरम्मणपच्चयेन पच्चयो (संखित्तं).

१०२. आरम्मणे चत्तारि, अधिपतिया चत्तारि, अनन्तरे चत्तारि, समनन्तरे चत्तारि, सहजाते सत्त, अञ्ञमञ्ञे छ, निस्सये सत्त, उपनिस्सये चत्तारि, पुरेजाते द्वे, पच्छाजाते द्वे, आसेवने द्वे, कम्मे चत्तारि, विपाके चत्तारि, आहारे चत्तारि, इन्द्रिये चत्तारि, झाने चत्तारि, मग्गे तीणि, सम्पयुत्ते द्वे, विप्पयुत्ते तीणि, अत्थिया सत्त, नत्थिया चत्तारि, विगते चत्तारि, अविगते सत्त (संखित्तं).

पच्चनीयुद्धारो

१०३. नहेतु सहेतुको अब्याकतो धम्मो नहेतुस्स सहेतुकस्स अब्याकतस्स धम्मस्स आरम्मणपच्चयेन पच्चयो… सहजातपच्चयेन पच्चयो… उपनिस्सयपच्चयेन पच्चयो (संखित्तं).

१०४. नहेतुया सत्त, नआरम्मणे सत्त (संखित्तं).

आरम्मणपच्चया नहेतुया चत्तारि (संखित्तं).

नहेतुपच्चया आरम्मणे चत्तारि (संखित्तं).

(यथा कुसलत्तिके पञ्हावारस्स अनुलोमम्पि पच्चनीयम्पि अनुलोमपच्चनीयम्पि पच्चनीयानुलोमम्पि गणितं, एवं गणेतब्बं.)

नहेतुसहेतुकदुककुसलत्तिकं निट्ठितं.

हेतुगोच्छकं निट्ठितं.