१-७. पटिच्चवारादि

हेतु-आरम्मणपच्चया

९८. आचयगामिं सरणं धम्मं पटिच्च आचयगामी सरणो धम्मो उप्पज्जति हेतुपच्चया (संखित्तं).

हेतुया एकं…पे… अविगते एकं (संखित्तं).

(सहजातवारेपि…पे… पञ्हावारेपि सब्बत्थ एकं.)

९९. आचयगामिं अरणं धम्मं पटिच्च आचयगामी अरणो धम्मो उप्पज्जति हेतुपच्चया… तीणि.

अपचयगामिं अरणं धम्मं पटिच्च अपचयगामी अरणो धम्मो उप्पज्जति हेतुपच्चया… तीणि.

नेवाचयगामिनापचयगामिं अरणं धम्मं पटिच्च नेवाचयगामिनापचयगामी अरणो धम्मो उप्पज्जति हेतुपच्चया. (१)

आचयगामिं अरणञ्च नेवाचयगामिनापचयगामिं अरणञ्च धम्मं पटिच्च नेवाचयगामिनापचयगामी अरणो धम्मो उप्पज्जति हेतुपच्चया. (१)

अपचयगामिं अरणञ्च नेवाचयगामिनापचयगामिं अरणञ्च धम्मं पटिच्च नेवाचयगामिनापचयगामी अरणो धम्मो उप्पज्जति हेतुपच्चया. (१) (संखित्तं.)

१००. हेतुया नव, आरम्मणे तीणि, अधिपतिया नव…पे… अविगते नव (संखित्तं). (सहजातवारम्पि…पे… सम्पयुत्तवारम्पि पटिच्चवारसदिसं).

१०१. आचयगामी अरणो धम्मो आचयगामिस्स अरणस्स धम्मस्स हेतुपच्चयेन पच्चयो… तीणि.

अपचयगामी अरणो धम्मो अपचयगामिस्स अरणस्स धम्मस्स हेतुपच्चयेन पच्चयो… तीणि.

नेवाचयगामिनापचयगामी अरणो धम्मो नेवाचयगामिनापचयगामिस्स अरणस्स धम्मस्स हेतुपच्चयेन पच्चयो. (१)

आचयगामी अरणो धम्मो आचयगामिस्स अरणस्स धम्मस्स आरम्मणपच्चयेन पच्चयो (संखित्तं).

१०२. हेतुया सत्त, आरम्मणे सत्त, अधिपतिया दस, अनन्तरे छ…पे… अविगते तेरस. (संखित्तं.)

(यथा कुसलत्तिके पञ्हावारं, एवं वित्थारेतब्बं.)