१-६. पटिच्चवारादि

पच्चयचतुक्कं

हेतुपच्चयादि

४४. हेतुं अब्याकतं धम्मं पटिच्च हेतु अब्याकतो धम्मो उप्पज्जति हेतुपच्चया. हेतुं अब्याकतं धम्मं पटिच्च नहेतु अब्याकतो धम्मो उप्पज्जति हेतुपच्चया. हेतुं अब्याकतं धम्मं पटिच्च हेतु अब्याकतो च नहेतु अब्याकतो च धम्मा उप्पज्जन्ति हेतुपच्चया. (३)

४५. नहेतुं अब्याकतं धम्मं पटिच्च नहेतु अब्याकतो धम्मो उप्पज्जति हेतुपच्चया… तीणि.

हेतुं अब्याकतञ्च नहेतुं अब्याकतञ्च धम्मं पटिच्च हेतु अब्याकतो धम्मो उप्पज्जति हेतुपच्चया… तीणि.

४६. हेतुं अब्याकतं धम्मं पटिच्च हेतु अब्याकतो धम्मो उप्पज्जति आरम्मणपच्चया (संखित्तं).

४७. हेतुया नव, आरम्मणे नव, अधिपतिया नव, अनन्तरे नव, समनन्तरे नव, सहजाते नव, अञ्ञमञ्ञे नव, निस्सये नव, उपनिस्सये नव, पुरेजाते नव, आसेवने नव, कम्मे नव, विपाके नव, आहारे नव, इन्द्रिये नव, झाने नव, मग्गे नव, सम्पयुत्ते नव, विप्पयुत्ते नव, अत्थिया नव, नत्थिया नव, विगते नव, अविगते नव (अनुलोमं).

नहेतु-नआरम्मणपच्चया

४८. नहेतुं अब्याकतं धम्मं पटिच्च नहेतु अब्याकतो धम्मो उप्पज्जति नहेतुपच्चया. (१)

४९. हेतुं अब्याकतं धम्मं पटिच्च नहेतु अब्याकतो धम्मो उप्पज्जति नआरम्मणपच्चया. (१)

नहेतुं अब्याकतं धम्मं पटिच्च नहेतु अब्याकतो धम्मो उप्पज्जति नआरम्मणपच्चया. (१)

हेतुं अब्याकतञ्च नहेतुं अब्याकतञ्च धम्मं पटिच्च नहेतु अब्याकतो धम्मो उप्पज्जति नआरम्मणपच्चया. (१)

नअधिपतिपच्चयादि

५०. हेतुं अब्याकतं धम्मं पटिच्च हेतु अब्याकतो धम्मो उप्पज्जति नअधिपतिपच्चया… नव…पे….

५१. हेतुं अब्याकतं धम्मं पटिच्च नहेतु अब्याकतो धम्मो उप्पज्जति नकम्मपच्चया. (१)

नहेतुं अब्याकतं धम्मं पटिच्च नहेतु अब्याकतो धम्मो उप्पज्जति नकम्मपच्चया. (१)

हेतुं अब्याकतञ्च नहेतुं अब्याकतञ्च धम्मं पटिच्च नहेतु अब्याकतो धम्मो उप्पज्जति नकम्मपच्चया. (१)

५२. नहेतुं अब्याकतं धम्मं पटिच्च नहेतु अब्याकतो धम्मो उप्पज्जति नआहारपच्चया… नइन्द्रियपच्चया… नझानपच्चया (संखित्तं).

५३. नहेतुया एकं, नआरम्मणे तीणि, नअधिपतिया नव, नअनन्तरे तीणि, नसमनन्तरे तीणि, नअञ्ञमञ्ञे तीणि, नउपनिस्सये तीणि, नपुरेजाते नव, नपच्छाजाते नव, नआसेवने नव, नकम्मे तीणि, नविपाके नव, नआहारे एकं, नइन्द्रिये एकं, नझाने एकं, नमग्गे एकं, नसम्पयुत्ते तीणि, नविप्पयुत्ते नव, नोनत्थिया तीणि, नोविगते तीणि (पच्चनीयं).

हेतुपच्चया नआरम्मणे तीणि, नअधिपतिया नव (संखित्तं, अनुलोमपच्चनीयं).

नहेतुपच्चया आरम्मणे एकं (संखित्तं, पच्चनीयानुलोमं).

(सहजातवारोपि पच्चयवारोपि निस्सयवारोपि संसट्ठवारोपि सम्पयुत्तवारोपि पटिच्चवारसदिसा वित्थारेतब्बा.)