७. पञ्हावारो

पच्चयचतुक्कं

हेतुपच्चयो

५४. हेतु अब्याकतो धम्मो हेतुस्स अब्याकतस्स धम्मस्स हेतुपच्चयेन पच्चयो. हेतु अब्याकतो धम्मो नहेतुस्स अब्याकतस्स धम्मस्स हेतुपच्चयेन पच्चयो. हेतु अब्याकतो धम्मो हेतुस्स अब्याकतस्स च नहेतुस्स अब्याकतस्स च धम्मस्स हेतुपच्चयेन पच्चयो. (३)

आरम्मणपच्चयादि

५५. हेतु अब्याकतो धम्मो हेतुस्स अब्याकतस्स धम्मस्स आरम्मणपच्चयेन पच्चयो… नव.

५६. हेतु अब्याकतो धम्मो हेतुस्स अब्याकतस्स धम्मस्स अधिपतिपच्चयेन पच्चयो – आरम्मणाधिपति, सहजाताधिपति… तीणि.

नहेतु अब्याकतो धम्मो नहेतुस्स अब्याकतस्स धम्मस्स अधिपतिपच्चयेन पच्चयो – आरम्मणाधिपति, सहजाताधिपति… तीणि.

हेतु अब्याकतो च नहेतु अब्याकतो च धम्मा हेतुस्स अब्याकतस्स धम्मस्स अधिपतिपच्चयेन पच्चयो – आरम्मणाधिपति… तीणि…पे….

पुरेजातपच्चयादि

५७. नहेतु अब्याकतो धम्मो नहेतुस्स अब्याकतस्स धम्मस्स पुरेजातपच्चयेन पच्चयो… तीणि.

५८. हेतु अब्याकतो धम्मो नहेतुस्स अब्याकतस्स धम्मस्स पच्छाजातपच्चयेन पच्चयो. (१)

नहेतु अब्याकतो धम्मो नहेतुस्स अब्याकतस्स धम्मस्स पच्छाजातपच्चयेन पच्चयो. (१)

हेतु अब्याकतो च नहेतु अब्याकतो च धम्मा नहेतुस्स अब्याकतस्स धम्मस्स पच्छाजातपच्चयेन पच्चयो. (१)

५९. नहेतु अब्याकतो धम्मो नहेतुस्स अब्याकतस्स धम्मस्स कम्मपच्चयेन पच्चयो… तीणि.

६०. हेतु अब्याकतो धम्मो हेतुस्स अब्याकतस्स धम्मस्स विपाकपच्चयेन पच्चयो… नव.

६१. नहेतु अब्याकतो धम्मो नहेतुस्स अब्याकतस्स धम्मस्स आहारपच्चयेन पच्चयो… इन्द्रियपच्चयेन पच्चयो… झानपच्चयेन पच्चयो… मग्गपच्चयेन पच्चयो… सम्पयुत्तपच्चयेन पच्चयो.

विप्पयुत्तपच्चयो

६२. हेतु अब्याकतो धम्मो नहेतुस्स अब्याकतस्स धम्मस्स विप्पयुत्तपच्चयेन पच्चयो. (१)

नहेतु अब्याकतो धम्मो नहेतुस्स अब्याकतस्स धम्मस्स विप्पयुत्तपच्चयेन पच्चयो… तीणि.

हेतु अब्याकतो च नहेतु अब्याकतो च धम्मा नहेतुस्स अब्याकतस्स धम्मस्स विप्पयुत्तपच्चयेन पच्चयो. (१) (संखित्तं.)

६३. हेतुया तीणि, आरम्मणे नव, अधिपतिया नव, अनन्तरे नव, समनन्तरे नव, सहजाते नव, अञ्ञमञ्ञे नव, निस्सये नव, उपनिस्सये नव, पुरेजाते तीणि, पच्छाजाते तीणि, आसेवने नव, कम्मे तीणि, विपाके नव, आहारे तीणि, इन्द्रिये नव, झाने तीणि, मग्गे नव, सम्पयुत्ते नव, विप्पयुत्ते पञ्च, अत्थिया नव, नत्थिया नव, विगते नव, अविगते नव.

पच्चनीयुद्धारो

६४. हेतु अब्याकतो धम्मो हेतुस्स अब्याकतस्स धम्मस्स आरम्मणपच्चयेन पच्चयो… सहजातपच्चयेन पच्चयो… उपनिस्सयपच्चयेन पच्चयो. हेतु अब्याकतो धम्मो नहेतुस्स अब्याकतस्स धम्मस्स आरम्मणपच्चयेन पच्चयो… सहजातपच्चयेन पच्चयो… उपनिस्सयपच्चयेन पच्चयो… पच्छाजातपच्चयेन पच्चयो. हेतु अब्याकतो धम्मो हेतुस्स अब्याकतस्स च नहेतुस्स अब्याकतस्स च धम्मस्स आरम्मणपच्चयेन पच्चयो… सहजातपच्चयेन पच्चयो… उपनिस्सयपच्चयेन पच्चयो. (३)

६५. नहेतु अब्याकतो धम्मो नहेतुस्स अब्याकतस्स धम्मस्स आरम्मणपच्चयेन पच्चयो… सहजातपच्चयेन पच्चयो… उपनिस्सयपच्चयेन पच्चयो… पुरेजातपच्चयेन पच्चयो… पच्छाजातपच्चयेन पच्चयो… आहारपच्चयेन पच्चयो… इन्द्रियपच्चयेन पच्चयो.

६६. नहेतुया नव, नआरम्मणे नव, नअधिपतिया नव (संखित्तं, पच्चनीयं).

हेतुपच्चया नआरम्मणे तीणि (संखित्तं, अनुलोमपच्चनीयं).

नहेतुपच्चया आरम्मणे नव (संखित्तं, पच्चनीयानुलोमं).

(यथा कुसलत्तिके पञ्हावारस्स अनुलोमम्पि पच्चनीयम्पि अनुलोमपच्चनीयम्पि पच्चनीयानुलोमम्पि गणितं, एवं गणेतब्बं.)

हेतुदुककुसलत्तिकं निट्ठितं.