१-६. पटिच्चवारादि

पच्चयचतुक्कं

हेतुपच्चयो

२७४. हेतुं नेवदस्सनेन नभावनाय पहातब्बं धम्मं पटिच्च हेतु नेवदस्सनेन नभावनाय पहातब्बो धम्मो उप्पज्जति हेतुपच्चया… तीणि.

नहेतुं नेवदस्सनेन नभावनाय पहातब्बं धम्मं पटिच्च नहेतु नेवदस्सनेन नभावनाय पहातब्बो धम्मो उप्पज्जति हेतुपच्चया (संखित्तं).

२७५. हेतुया नव, आरम्मणे नव, अधिपतिया नव…पे… कम्मे नव, विपाके नव…पे… अविगते नव (संखित्तं).

नहेतुपच्चयादि

२७६. नहेतुं नेवदस्सनेन नभावनाय पहातब्बं धम्मं पटिच्च नहेतु नेवदस्सनेन नभावनाय पहातब्बो धम्मो उप्पज्जति नहेतुपच्चया.

हेतुं नेवदस्सनेन नभावनाय पहातब्बं धम्मं पटिच्च नहेतु नेवदस्सनेन नभावनाय पहातब्बो धम्मो उप्पज्जति नआरम्मणपच्चया. (१)

नहेतुं नेवदस्सनेन नभावनाय पहातब्बं धम्मं पटिच्च नहेतु नेवदस्सनेन नभावनाय पहातब्बो धम्मो उप्पज्जति नआरम्मणपच्चया. (१)

हेतुं नेवदस्सनेन नभावनाय पहातब्बञ्च नहेतुं नेवदस्सनेन नभावनाय पहातब्बञ्च धम्मं पटिच्च नहेतु नेवदस्सनेन नभावनाय पहातब्बो धम्मो उप्पज्जति नआरम्मणपच्चया. (१)

हेतुं नेवदस्सनेन नभावनाय पहातब्बं धम्मं पटिच्च हेतु नेवदस्सनेन नभावनाय पहातब्बो धम्मो उप्पज्जति नअधिपतिपच्चया (संखित्तं).

२७७. नहेतुया एकं, नआरम्मणे तीणि, नअधिपतिया नव, नअनन्तरे तीणि, नसमनन्तरे तीणि, नअञ्ञमञ्ञे तीणि, नउपनिस्सये तीणि, नपुरेजाते नव, नपच्छाजाते नव, नआसेवने नव, नकम्मे तीणि, नविपाके नव, नआहारे एकं, नइन्द्रिये एकं, नझाने एकं, नमग्गे एकं, नसम्पयुत्ते तीणि, नविप्पयुत्ते नव, नोनत्थिया तीणि, नोविगते तीणि (संखित्तं).

हेतुपच्चया नआरम्मणे तीणि (संखित्तं).

नहेतुपच्चया आरम्मणे एकं (संखित्तं).

(सहजातवारोपि पच्चयवारोपि निस्सयवारोपि संसट्ठवारोपि सम्पयुत्तवारोपि पटिच्चवारसदिसा वित्थारेतब्बा.)