१-६. पटिच्चवारादि

पच्चयचतुक्कं

हेतुपच्चयो

२७. हेतुं अकुसलं धम्मं पटिच्च हेतु अकुसलो धम्मो उप्पज्जति हेतुपच्चया. हेतुं अकुसलं धम्मं पटिच्च नहेतु अकुसलो धम्मो उप्पज्जति हेतुपच्चया. हेतुं अकुसलं धम्मं पटिच्च हेतु अकुसलो च नहेतु अकुसलो च धम्मा उप्पज्जन्ति हेतुपच्चया. (३)

२८. नहेतुं अकुसलं धम्मं पटिच्च नहेतु अकुसलो धम्मो उप्पज्जति हेतुपच्चया. नहेतुं अकुसलं धम्मं पटिच्च हेतु अकुसलो धम्मो उप्पज्जति हेतुपच्चया. नहेतुं अकुसलं धम्मं पटिच्च हेतु अकुसलो च नहेतु अकुसलो च धम्मा उप्पज्जन्ति हेतुपच्चया. (३)

२९. हेतुं अकुसलञ्च नहेतुं अकुसलञ्च धम्मं पटिच्च हेतु अकुसलो धम्मो उप्पज्जति हेतुपच्चया. हेतुं अकुसलञ्च नहेतुं अकुसलञ्च धम्मं पटिच्च नहेतु अकुसलो धम्मो उप्पज्जति हेतुपच्चया. हेतुं अकुसलञ्च नहेतुं अकुसलञ्च धम्मं पटिच्च हेतु अकुसलो च नहेतु अकुसलो च धम्मा उप्पज्जन्ति हेतुपच्चया. (३)

३०. हेतुया नव, आरम्मणे नव, अधिपतिया नव…पे… कम्मे नव, आहारे नव…पे… अविगते नव (संखित्तं, अनुलोमं).

नहेतुपच्चयो

३१. नहेतुं अकुसलं धम्मं पटिच्च हेतु अकुसलो धम्मो उप्पज्जति नहेतुपच्चया. (१)

नअधिपतिपच्चयादि

३२. हेतुं अकुसलं धम्मं पटिच्च हेतु अकुसलो धम्मो उप्पज्जति नअधिपतिपच्चया… नव…पे….

हेतुं अकुसलं धम्मं पटिच्च नहेतु अकुसलो धम्मो उप्पज्जति नकम्मपच्चया. (१)

नहेतुं अकुसलं धम्मं पटिच्च नहेतु अकुसलो धम्मो उप्पज्जति नकम्मपच्चया. (१)

हेतुं अकुसलञ्च नहेतुं अकुसलञ्च धम्मं पटिच्च नहेतु अकुसलो धम्मो उप्पज्जति नकम्मपच्चया. (१) (संखित्तं.)

३३. नहेतुया एकं, नअधिपतिया नव, नपुरेजाते नव, नपच्छाजाते नव, नआसेवने नव, नकम्मे तीणि, नविपाके नव, नविप्पयुत्ते नव (पच्चनीयं).

हेतुपच्चया नअधिपतिया नव (संखित्तं, अनुलोमपच्चनीयं).

नहेतुपच्चया आरम्मणे एकं (संखित्तं, पच्चनीयानुलोमं).

(सहजातवारम्पि पच्चयवारम्पि निस्सयवारम्पि संसट्ठवारम्पि सम्पयुत्तवारम्पि पटिच्चवारसदिसा वित्थारेतब्बा.)