१-६. पटिच्चवारादि

पच्चयचतुक्कं

हेतुपच्चयो

१०८. हेतुं विपाकं धम्मं पटिच्च हेतु विपाको धम्मो उप्पज्जति हेतुपच्चया. हेतुं विपाकं धम्मं पटिच्च नहेतु विपाको धम्मो उप्पज्जति हेतुपच्चया. हेतुं विपाकं धम्मं पटिच्च हेतु विपाको च नहेतु विपाको च धम्मा उप्पज्जन्ति हेतुपच्चया. (३)

नहेतुं विपाकं धम्मं पटिच्च नहेतु विपाको धम्मो उप्पज्जति हेतुपच्चया… तीणि.

हेतुं विपाकञ्च नहेतुं विपाकञ्च धम्मं पटिच्च हेतु विपाको धम्मो उप्पज्जति हेतुपच्चया… तीणि (संखित्तं).

१०९. हेतुया नव, आरम्मणे नव, अधिपतिया नव, अनन्तरे नव, समनन्तरे नव, सहजाते नव, अञ्ञमञ्ञे नव, निस्सये नव, उपनिस्सये नव, पुरेजाते नव, कम्मे नव, विपाके नव, आहारे नव, इन्द्रिये नव, झाने नव, मग्गे नव, सम्पयुत्ते नव, विप्पयुत्ते नव अत्थिया नव, नत्थिया नव, विगते नव, अविगते नव. (अनुलोमं).

नहेतु-नअधिपतिपच्चया

११०. नहेतुं विपाकं धम्मं पटिच्च नहेतु विपाको धम्मो उप्पज्जति नहेतुपच्चया. (१)

१११. हेतुं विपाकं धम्मं पटिच्च हेतु विपाको धम्मो उप्पज्जति नअधिपतिपच्चया (संखित्तं).

११२. नहेतुया एकं, नअधिपतिया नव, नपुरेजाते नव, नपच्छाजाते नव, नआसेवने नव, नझाने एकं, नमग्गे एकं, नविप्पयुत्ते नव (संखित्तं, पच्चनीयं).

हेतुपच्चया नअधिपतिया नव (संखित्तं, अनुलोमपच्चनीयं).

नहेतुपच्चया आरम्मणे एकं (संखित्तं, पच्चनीयानुलोमं).

(सहजातवारोपि पच्चयवारोपि निस्सयवारोपि संसट्ठवारोपि सम्पयुत्तवारोपि पटिच्चवारसदिसा वित्थारेतब्बा.)