१-६. पटिच्चवारादि

पच्चयचतुक्कं

हेतुपच्चयो

१. हेतुं कुसलं धम्मं पटिच्च हेतु कुसलो धम्मो उप्पज्जति हेतुपच्चया. हेतुं कुसलं धम्मं पटिच्च नहेतु कुसलो धम्मो उप्पज्जति हेतुपच्चया. हेतुं कुसलं धम्मं पटिच्च हेतु कुसलो च नहेतु कुसलो च धम्मा उप्पज्जन्ति हेतुपच्चया. (३)

२. नहेतुं कुसलं धम्मं पटिच्च नहेतु कुसलो धम्मो उप्पज्जति हेतुपच्चया. नहेतुं कुसलं धम्मं पटिच्च हेतु कुसलो धम्मो उप्पज्जति हेतुपच्चया. नहेतुं कुसलं धम्मं पटिच्च हेतु कुसलो च नहेतु कुसलो च धम्मा उप्पज्जन्ति हेतुपच्चया. (३)

३. हेतुं कुसलञ्च नहेतुं कुसलञ्च धम्मं पटिच्च हेतु कुसलो धम्मो उप्पज्जति हेतुपच्चया. हेतुं कुसलञ्च नहेतुं कुसलञ्च धम्मं पटिच्च नहेतु कुसलो धम्मो उप्पज्जति हेतुपच्चया. हेतुं कुसलञ्च नहेतुं कुसलञ्च धम्मं पटिच्च हेतु कुसलो च नहेतु कुसलो च धम्मा उप्पज्जन्ति हेतुपच्चया. (३)

आरम्मणपच्चयो

४. हेतुं कुसलं धम्मं पटिच्च हेतु कुसलो धम्मो उप्पज्जति आरम्मणपच्चया (संखित्तं).

५. हेतुया नव, आरम्मणे नव, अधिपतिया नव, अनन्तरे नव, समनन्तरे नव, सहजाते नव, अञ्ञमञ्ञे नव, निस्सये नव, उपनिस्सये नव, पुरेजाते नव, आसेवने नव, कम्मे नव, आहारे नव, इन्द्रिये नव, झाने नव, मग्गे नव, सम्पयुत्ते नव, विप्पयुत्ते नव, अत्थिया नव, नत्थिया नव, विगते नव, अविगते नव (अनुलोमं).

नअधिपतिपच्चयो

६. हेतुं कुसलं धम्मं पटिच्च हेतु कुसलो धम्मो उप्पज्जति नअधिपतिपच्चया. हेतुं कुसलं धम्मं पटिच्च नहेतु कुसलो धम्मो उप्पज्जति नअधिपतिपच्चया. हेतुं कुसलं धम्मं पटिच्च हेतु कुसलो च नहेतु कुसलो च धम्मा उप्पज्जन्ति नअधिपतिपच्चया. (३)

७. नहेतुं कुसलं धम्मं पटिच्च नहेतु कुसलो धम्मो उप्पज्जति नअधिपतिपच्चया… तीणि.

हेतुं कुसलञ्च नहेतुं कुसलञ्च धम्मं पटिच्च हेतु कुसलो धम्मो उप्पज्जति नअधिपतिपच्चया… तीणि.

नपुरेजातपच्चयादि

८. हेतुं कुसलं धम्मं पटिच्च हेतु कुसलो धम्मो उप्पज्जति नपुरेजातपच्चया… नव… नपच्छाजातपच्चया… नव… नआसेवनपच्चया … नव.

नकम्मपच्चयो

९. हेतुं कुसलं धम्मं पटिच्च नहेतु कुसलो धम्मो उप्पज्जति नकम्मपच्चया. (१)

नहेतुं कुसलं धम्मं पटिच्च नहेतु कुसलो धम्मो उप्पज्जति नकम्मपच्चया. (१)

हेतुं कुसलञ्च नहेतुं कुसलञ्च धम्मं पटिच्च नहेतु कुसलो धम्मो उप्पज्जति नकम्मपच्चया. (१)

नविपाकपच्चयादि

१०. हेतुं कुसलं धम्मं पटिच्च हेतु कुसलो धम्मो उप्पज्जति नविपाकपच्चया… नव…पे… नविप्पयुत्तपच्चया… नव.

११. नअधिपतिया नव, नपुरेजाते नव, नपच्छाजाते नव, नआसेवने नव, नकम्मे तीणि, नविपाके नव, नविप्पयुत्ते नव (पच्चनीयं).

हेतुपच्चया नअधिपतिया नव (संखित्तं, अनुलोम पच्चनीयं).

नअधिपतिपच्चया हेतुया नव, आरम्मणे नव (संखित्तं, पच्चनीयानुलोमं).

(सहजातवारम्पि पच्चयवारम्पि निस्सयवारम्पि संसट्ठवारम्पि सम्पयुत्तवारम्पि पटिच्चवारसदिसा वित्थारेतब्बा.)