१-६. पटिच्चवारादि

पच्चयचतुक्कं

हेतुपच्चयो

३९७. हेतुं अप्पमाणारम्मणं धम्मं पटिच्च हेतु अप्पमाणारम्मणो धम्मो उप्पज्जति हेतुपच्चया… तीणि.

नहेतुं अप्पमाणारम्मणं धम्मं पटिच्च नहेतु अप्पमाणारम्मणो धम्मो उप्पज्जति हेतुपच्चया… तीणि.

हेतुं अप्पमाणारम्मणञ्च नहेतुं अप्पमाणारम्मणञ्च धम्मं पटिच्च हेतु अप्पमाणारम्मणो धम्मो उप्पज्जति हेतुपच्चया… तीणि (संखित्तं).

३९८. हेतुया नव, आरम्मणे नव, अधिपतिया नव, अनन्तरे नव, समनन्तरे नव, सहजाते नव, अञ्ञमञ्ञे नव, निस्सये नव, उपनिस्सये नव, पुरेजाते नव, आसेवने नव, कम्मे नव, विपाके नव…पे… अविगते नव (संखित्तं).

नहेतुपच्चयो

३९९. नहेतुं अप्पमाणारम्मणं धम्मं पटिच्च नहेतु अप्पमाणारम्मणो धम्मो उप्पज्जति नहेतुपच्चया (संखित्तं).

४००. नहेतुया एकं, नअधिपतिया नव, नपुरेजाते नव, नपच्छाजाते नव, नआसेवने नव, नकम्मे तीणि, नविपाके नव, नमग्गे एकं, नविप्पयुत्ते नव (संखित्तं).

हेतुपच्चया नअधिपतिया नव (संखित्तं).

नहेतुपच्चया आरम्मणे एकं (संखित्तं).

(सहजातवारोपि पच्चयवारोपि निस्सयवारोपि संसट्ठवारोपि सम्पयुत्तवारोपि पटिच्चवारसदिसा वित्थारेतब्बा.)