७. पञ्हावारो

पच्चयचतुक्कं

हेतुपच्चयादि

४०१. हेतु अप्पमाणारम्मणो धम्मो हेतुस्स अप्पमाणारम्मणस्स धम्मस्स हेतुपच्चयेन पच्चयो… तीणि.

हेतु अप्पमाणारम्मणो धम्मो हेतुस्स अप्पमाणारम्मणस्स धम्मस्स आरम्मणपच्चयेन पच्चयो… नव.

हेतु अप्पमाणारम्मणो धम्मो हेतुस्स अप्पमाणारम्मणस्स धम्मस्स अधिपतिपच्चयेन पच्चयो – आरम्मणाधिपति, सहजाताधिपति … तीणि.

नहेतु अप्पमाणारम्मणो धम्मो नहेतुस्स अप्पमाणारम्मणस्स धम्मस्स अधिपतिपच्चयेन पच्चयो – आरम्मणाधिपति, सहजाताधिपति… तीणि.

हेतु अप्पमाणारम्मणो च नहेतु अप्पमाणारम्मणो च धम्मा हेतुस्स अप्पमाणारम्मणस्स धम्मस्स अधिपतिपच्चयेन पच्चयो – आरम्मणाधिपति… तीणि (संखित्तं).

४०२. हेतुया तीणि, आरम्मणे नव, अधिपतिया नव, अनन्तरे नव, समनन्तरे नव, सहजाते नव, अञ्ञमञ्ञे नव, निस्सये नव, उपनिस्सये नव, आसेवने नव, कम्मे तीणि, विपाके नव, आहारे तीणि, इन्द्रिये नव, झाने तीणि, मग्गे नव, सम्पयुत्ते नव, अत्थिया नव…पे… अविगते नव (संखित्तं).

पच्चनीयुद्धारो

४०३. हेतु अप्पमाणारम्मणो धम्मो हेतुस्स अप्पमाणारम्मणस्स धम्मस्स आरम्मणपच्चयेन पच्चयो… सहजातपच्चयेन पच्चयो… उपनिस्सयपच्चयेन पच्चयो (संखित्तं).

४०४. नहेतुया नव, नआरम्मणे नव (संखित्तं).

हेतुपच्चया नआरम्मणे तीणि (संखित्तं).

नहेतुपच्चया आरम्मणे नव (संखित्तं).

(यथा कुसलत्तिके पञ्हावारस्स अनुलोमम्पि पच्चनीयम्पि अनुलोमपच्चनीयम्पि पच्चनीयानुलोमम्पि गणितं, एवं गणेतब्बं.)

हेतुदुकपरित्तारम्मणत्तिकं निट्ठितं.