१-६. पटिच्चवारादि

पच्चयचतुक्कं

हेतुपच्चयो

३५५. हेतुं परित्तं धम्मं पटिच्च हेतु परित्तो धम्मो उप्पज्जति हेतुपच्चया… तीणि.

नहेतुं परित्तं धम्मं पटिच्च नहेतु परित्तो धम्मो उप्पज्जति हेतुपच्चया… तीणि.

हेतुं परित्तञ्च नहेतुं परित्तञ्च धम्मं पटिच्च हेतु परित्तो धम्मो उप्पज्जति हेतुपच्चया… तीणि (संखित्तं).

३५६. हेतुया नव, आरम्मणे नव, अधिपतिया नव…पे… अविगते नव (संखित्तं).

नहेतुनआरम्मणपच्चयादि

३५७. नहेतुं परित्तं धम्मं पटिच्च नहेतु परित्तो धम्मो उप्पज्जति नहेतुपच्चया. नहेतुं परित्तं धम्मं पटिच्च हेतु परित्तो धम्मो उप्पज्जति नहेतुपच्चया. (२)

हेतुं परित्तं धम्मं पटिच्च नहेतु परित्तो धम्मो उप्पज्जति नआरम्मणपच्चया. (१)

नहेतुं परित्तं धम्मं पटिच्च नहेतु परित्तो धम्मो उप्पज्जति नआरम्मणपच्चया. (१)

हेतुं परित्तञ्च नहेतुं परित्तञ्च धम्मं पटिच्च नहेतु परित्तो धम्मो उप्पज्जति नआरम्मणपच्चया. (१)

हेतुं परित्तं धम्मं पटिच्च हेतु परित्तो धम्मो उप्पज्जति नअधिपतिपच्चया (संखित्तं).

३५८. नहेतुया द्वे, नआरम्मणे तीणि, नअधिपतिया नव, नअनन्तरे तीणि, नसमनन्तरे तीणि, नअञ्ञमञ्ञे तीणि, नउपनिस्सये तीणि, नपुरेजाते नव, नपच्छाजाते नव, नआसेवने नव, नकम्मे तीणि, नविपाके नव, नआहारे एकं, नइन्द्रिये एकं, नझाने एकं, नमग्गे एकं, नसम्पयुत्ते तीणि, नविप्पयुत्ते नव, नोनत्थिया तीणि, नोविगते तीणि (संखित्तं).

हेतुपच्चया नआरम्मणे तीणि (संखित्तं).

नहेतुपच्चया आरम्मणे द्वे (संखित्तं).

(सहजातवारोपि पच्चयवारोपि निस्सयवारोपि संसट्ठवारोपि सम्पयुत्तवारोपि पटिच्चवारसदिसा वित्थारेतब्बा.)