१-६. पटिच्चवारादि

पच्चयचतुक्कं

हेतुपच्चयो

३३०. हेतुं सेक्खं धम्मं पटिच्च हेतु सेक्खो धम्मो उप्पज्जति हेतुपच्चया… तीणि.

नहेतुं सेक्खं धम्मं पटिच्च नहेतु सेक्खो धम्मो उप्पज्जति हेतुपच्चया… तीणि.

हेतुं सेक्खञ्च नहेतुं सेक्खञ्च धम्मं पटिच्च हेतु सेक्खो धम्मो उप्पज्जति हेतुपच्चया… तीणि (संखित्तं).

३३१. हेतुया नव, आरम्मणे नव, अधिपतिया नव, अनन्तरे नव, समनन्तरे नव, सहजाते नव, अञ्ञमञ्ञे नव, निस्सये नव, उपनिस्सये नव, पुरेजाते नव, आसेवने नव, कम्मे नव, विपाके नव, आहारे नव…पे… अविगते नव (संखित्तं).

नअधिपतिपच्चयो

३३२. हेतुं सेक्खं धम्मं पटिच्च हेतु सेक्खो धम्मो उप्पज्जति नअधिपतिपच्चया (संखित्तं).

३३३. नअधिपतिया छ, नपुरेजाते नव, नपच्छाजाते नव, नआसेवने नव, नकम्मे तीणि, नविपाके नव, नविप्पयुत्ते नव.

हेतुपच्चया नअधिपतिया छ (संखित्तं).

नअधिपतिपच्चया हेतुया छ (संखित्तं).

(सहजातवारोपि पच्चयवारोपि निस्सयवारोपि संसट्ठवारोपि सम्पयुत्तवारोपि पटिच्चवारसदिसा वित्थारेतब्बा.)