१-७. पटिच्चवारादि

पच्चयचतुक्कं

हेतुपच्चयो

२७९. कुसलं नहेतुं सहेतुकं धम्मं पटिच्च कुसलो नहेतु सहेतुको धम्मो उप्पज्जति हेतुपच्चया. (१)

अकुसलं नहेतुं सहेतुकं धम्मं पटिच्च अकुसलो नहेतु सहेतुको धम्मो उप्पज्जति हेतुपच्चया. (१)

अब्याकतं नहेतुं सहेतुकं धम्मं पटिच्च अब्याकतो नहेतु सहेतुको धम्मो उप्पज्जति हेतुपच्चया. (१) (संखित्तं.)

२८०. हेतुया तीणि, आरम्मणे तीणि…पे… अविगते तीणि (संखित्तं).

नअधिपतिया तीणि (संखित्तं).

(सहजातवारम्पि…पे… सम्पयुत्तवारम्पि पटिच्चवारसदिसं.)

आरम्मणपच्चयो

२८१. कुसलो नहेतु सहेतुको धम्मो कुसलस्स नहेतुस्स सहेतुकस्स धम्मस्स आरम्मणपच्चयेन पच्चयो… तीणि.

अकुसलो नहेतु सहेतुको धम्मो अकुसलस्स नहेतुस्स सहेतुकस्स धम्मस्स आरम्मणपच्चयेन पच्चयो… तीणि.

अब्याकतो नहेतु सहेतुको धम्मो अब्याकतस्स नहेतुस्स सहेतुकस्स धम्मस्स आरम्मणपच्चयेन पच्चयो… तीणि (संखित्तं).

२८२. आरम्मणे नव, अधिपतिया सत्त, अनन्तरे पञ्च…पे… सहजाते अञ्ञमञ्ञे निस्सये तीणि, उपनिस्सये नव, आसेवने तीणि, कम्मे पञ्च, विपाके एकं, आहारे…पे… सम्पयुत्ते तीणि…पे… अविगते तीणि (संखित्तं).

नहेतुया नव, नआरम्मणे नव (संखित्तं).

आरम्मणपच्चया नहेतुया नव (संखित्तं).

नहेतुपच्चया आरम्मणे नव (संखित्तं).

(यथा कुसलत्तिके पञ्हावारं, एवं वित्थारेतब्बं.)

नहेतुअहेतुकपदं

हेतुपच्चयो

२८३. अब्याकतं नहेतुं अहेतुकं धम्मं पटिच्च अब्याकतो नहेतु अहेतुको धम्मो उप्पज्जति हेतुपच्चया (संखित्तं).

हेतुया एकं, आरम्मणे एकं…पे… अविगते एकं (संखित्तं).

नहेतुया एकं…पे… नोविगते एकं (संखित्तं).

(सहजातवारम्पि…पे… सम्पयुत्तवारम्पि पटिच्चवारसदिसं.)

२८४. अब्याकतो नहेतु अहेतुको धम्मो अब्याकतस्स नहेतुस्स अहेतुकस्स धम्मस्स आरम्मणपच्चयेन पच्चयो (संखित्तं).

आरम्मणे एकं, अधिपतिया एकं…पे… अविगते एकं (संखित्तं).

(यथा कुसलत्तिके पञ्हावारं, एवं वित्थारेतब्बं.)

हेतुगोच्छकं निट्ठितं.