१-७. पटिच्चवारादि

पच्चयचतुक्कं

हेतु-आरम्मणपच्चया

२५७. अकुसलं हेतुविप्पयुत्तं धम्मं पटिच्च अब्याकतो हेतुविप्पयुत्तो धम्मो उप्पज्जति हेतुपच्चया. (१)

अब्याकतं हेतुविप्पयुत्तं धम्मं पटिच्च अब्याकतो हेतुविप्पयुत्तो धम्मो उप्पज्जति हेतुपच्चया. (१)

अकुसलं हेतुविप्पयुत्तञ्च अब्याकतं हेतुविप्पयुत्तञ्च धम्मं पटिच्च अब्याकतो हेतुविप्पयुत्तो धम्मो उप्पज्जति हेतुपच्चया. (१)

अब्याकतं हेतुविप्पयुत्तं धम्मं पटिच्च अब्याकतो हेतुविप्पयुत्तो धम्मो उप्पज्जति आरम्मणपच्चया. (१) (संखित्तं.)

२५८. हेतुया तीणि, आरम्मणे एकं, अधिपतिया एकं…पे… अविगते तीणि (संखित्तं).

नहेतु-नआरम्मणपच्चया

२५९. अब्याकतं हेतुविप्पयुत्तं धम्मं पटिच्च अब्याकतो हेतुविप्पयुत्तो धम्मो उप्पज्जति नहेतुपच्चया. (१)

अकुसलं हेतुविप्पयुत्तं धम्मं पटिच्च अब्याकतो हेतुविप्पयुत्तो धम्मो उप्पज्जति नआरम्मणपच्चया. (१)

अब्याकतं हेतुविप्पयुत्तं धम्मं पटिच्च अब्याकतो हेतुविप्पयुत्तो धम्मो उप्पज्जति नआरम्मणपच्चया. (१)

अकुसलं हेतुविप्पयुत्तञ्च अब्याकतं हेतुविप्पयुत्तञ्च धम्मं पटिच्च अब्याकतो हेतुविप्पयुत्तो धम्मो उप्पज्जति नआरम्मणपच्चया (संखित्तं).

२६०. नहेतुया एकं, नआरम्मणे तीणि, नअधिपतिया तीणि…पे… नोविगते तीणि. (संखित्तं).

(सहजातवारम्पि…पे… सम्पयुत्तवारम्पि पटिच्चवारसदिसं.)

हेतु-आरम्मण-अनन्तरपच्चया

२६१. अकुसलो हेतुविप्पयुत्तो धम्मो अब्याकतस्स हेतुविप्पयुत्तस्स धम्मस्स हेतुपच्चयेन पच्चयो. (१)

अकुसलो हेतुविप्पयुत्तो धम्मो अकुसलस्स हेतुविप्पयुत्तस्स धम्मस्स आरम्मणपच्चयेन पच्चयो. अकुसलो हेतुविप्पयुत्तो धम्मो अब्याकतस्स हेतुविप्पयुत्तस्स धम्मस्स आरम्मणपच्चयेन पच्चयो. (२)

अब्याकतो हेतुविप्पयुत्तो धम्मो अब्याकतस्स हेतुविप्पयुत्तस्स धम्मस्स आरम्मणपच्चयेन पच्चयो. अब्याकतो हेतुविप्पयुत्तो धम्मो अकुसलस्स हेतुविप्पयुत्तस्स धम्मस्स आरम्मणपच्चयेन पच्चयो. (२)

अकुसलो हेतुविप्पयुत्तो धम्मो अकुसलस्स हेतुविप्पयुत्तस्स धम्मस्स अनन्तरपच्चयेन पच्चयो. अकुसलो हेतुविप्पयुत्तो धम्मो अब्याकतस्स हेतुविप्पयुत्तस्स धम्मस्स अनन्तरपच्चयेन पच्चयो. (२)

अब्याकतो हेतुविप्पयुत्तो धम्मो अब्याकतस्स हेतुविप्पयुत्तस्स धम्मस्स अनन्तरपच्चयेन पच्चयो. अब्याकतो हेतुविप्पयुत्तो धम्मो अकुसलस्स हेतुविप्पयुत्तस्स धम्मस्स अनन्तरपच्चयेन पच्चयो. (२) (संखित्तं.)

२६२. हेतुया एकं, आरम्मणे चत्तारि, अनन्तरे चत्तारि, समनन्तरे चत्तारि, सहजाते तीणि, अञ्ञमञ्ञे एकं, निस्सये चत्तारि, उपनिस्सये चत्तारि…पे… अविगते चत्तारि (संखित्तं).

नहेतुया पञ्च, नआरम्मणे पञ्च (संखित्तं).

हेतुपच्चया नआरम्मणे एकं (संखित्तं).

नहेतुपच्चया आरम्मणे चत्तारि (संखित्तं).

(यथा कुसलत्तिके पञ्हावारं, एवं वित्थारेतब्बं.)