१-६. पटिच्चवारादि

पच्चयचतुक्कं

हेतु-आरम्मणपच्चया

२३९. अनिदस्सनसप्पटिघं नहेतुं धम्मं पटिच्च अनिदस्सनसप्पटिघो नहेतु धम्मो उप्पज्जति हेतुपच्चया. अनिदस्सनसप्पटिघं नहेतुं धम्मं पटिच्च सनिदस्सनसप्पटिघो नहेतु धम्मो उप्पज्जति हेतुपच्चया. अनिदस्सनसप्पटिघं नहेतुं धम्मं पटिच्च अनिदस्सनअप्पटिघो नहेतु धम्मो उप्पज्जति हेतुपच्चया. अनिदस्सनसप्पटिघं नहेतुं धम्मं पटिच्च सनिदस्सनसप्पटिघो नहेतु च अनिदस्सनअप्पटिघो नहेतु च धम्मा उप्पज्जन्ति हेतुपच्चया. अनिदस्सनसप्पटिघं नहेतुं धम्मं पटिच्च अनिदस्सनसप्पटिघो नहेतु च अनिदस्सनअप्पटिघो नहेतु च धम्मा उप्पज्जन्ति हेतुपच्चया. अनिदस्सनसप्पटिघं नहेतुं धम्मं पटिच्च सनिदस्सनसप्पटिघो नहेतु च अनिदस्सनसप्पटिघो नहेतु च धम्मा उप्पज्जन्ति हेतुपच्चया. अनिदस्सनसप्पटिघं नहेतुं धम्मं पटिच्च सनिदस्सनसप्पटिघो नहेतु च अनिदस्सनसप्पटिघो नहेतु च अनिदस्सनअप्पटिघो नहेतु च धम्मा उप्पज्जन्ति हेतुपच्चया… सत्त.

२४०. अनिदस्सनअप्पटिघं नहेतुं धम्मं पटिच्च अनिदस्सनअप्पटिघो नहेतु धम्मो उप्पज्जति हेतुपच्चया. अनिदस्सनअप्पटिघं नहेतुं धम्मं पटिच्च सनिदस्सनसप्पटिघो नहेतु धम्मो उप्पज्जति हेतुपच्चया. अनिदस्सनअप्पटिघं नहेतुं धम्मं पटिच्च अनिदस्सनसप्पटिघो नहेतु धम्मो उप्पज्जति हेतुपच्चया. अनिदस्सनअप्पटिघं नहेतुं धम्मं पटिच्च सनिदस्सनसप्पटिघो नहेतु च अनिदस्सनअप्पटिघो नहेतु च धम्मा उप्पज्जन्ति हेतुपच्चया. अनिदस्सनअप्पटिघं नहेतुं धम्मं पटिच्च अनिदस्सनसप्पटिघो नहेतु च अनिदस्सनअप्पटिघो नहेतु च धम्मा उप्पज्जन्ति हेतुपच्चया. अनिदस्सनअप्पटिघं नहेतुं धम्मं पटिच्च सनिदस्सनसप्पटिघो नहेतु च अनिदस्सनसप्पटिघो नहेतु च धम्मा उप्पज्जन्ति हेतुपच्चया. अनिदस्सनअप्पटिघं नहेतुं धम्मं पटिच्च सनिदस्सनसप्पटिघो नहेतु च अनिदस्सनसप्पटिघो नहेतु च अनिदस्सनअप्पटिघो नहेतु च धम्मा उप्पज्जन्ति हेतुपच्चया… सत्त.

२४१. अनिदस्सनसप्पटिघं नहेतुञ्च अनिदस्सनअप्पटिघं नहेतुञ्च धम्मं पटिच्च सनिदस्सनसप्पटिघो नहेतु धम्मो उप्पज्जति हेतुपच्चया. अनिदस्सनसप्पटिघं नहेतुञ्च अनिदस्सनअप्पटिघं नहेतुञ्च धम्मं पटिच्च अनिदस्सनसप्पटिघो नहेतु धम्मो उप्पज्जति हेतुपच्चया. अनिदस्सनसप्पटिघं नहेतुञ्च अनिदस्सनअप्पटिघं नहेतुञ्च धम्मं पटिच्च अनिदस्सनअप्पटिघो नहेतु धम्मो उप्पज्जति हेतुपच्चया. अनिदस्सनसप्पटिघं नहेतुञ्च अनिदस्सनअप्पटिघं नहेतुञ्च धम्मं पटिच्च सनिदस्सनसप्पटिघो नहेतु च अनिदस्सनअप्पटिघो नहेतु च धम्मा उप्पज्जन्ति हेतुपच्चया. अनिदस्सनसप्पटिघं नहेतुञ्च अनिदस्सनअप्पटिघं नहेतुञ्च धम्मं पटिच्च अनिदस्सनसप्पटिघो नहेतु च अनिदस्सनअप्पटिघो नहेतु च धम्मा उप्पज्जन्ति हेतुपच्चया. अनिदस्सनसप्पटिघं नहेतुञ्च अनिदस्सनअप्पटिघं नहेतुञ्च धम्मं पटिच्च सनिदस्सनसप्पटिघो नहेतु च अनिदस्सनसप्पटिघो नहेतु च धम्मा उप्पज्जन्ति हेतुपच्चया. अनिदस्सनसप्पटिघं नहेतुञ्च अनिदस्सनअप्पटिघं नहेतुञ्च धम्मं पटिच्च सनिदस्सनसप्पटिघो नहेतु च अनिदस्सनसप्पटिघो नहेतु च अनिदस्सनअप्पटिघो नहेतु च धम्मा उप्पज्जन्ति हेतुपच्चया… सत्त.

अनिदस्सनअप्पटिघं नहेतुं धम्मं पटिच्च अनिदस्सनअप्पटिघो नहेतु धम्मो उप्पज्जति आरम्मणपच्चया. (१) (संखित्तं.)

२४२. हेतुया एकवीस, आरम्मणे एकं, अधिपतिया एकवीस…पे… अविगते एकवीस (संखित्तं).

नहेतुया एकवीस, नआरम्मणे एकवीस…पे… नोविगते एकवीस.

हेतुपच्चया नआरम्मणे एकवीस (संखित्तं).

नहेतुपच्चया आरम्मणे एकं (संखित्तं).

(सहजातवारम्पि…पे… सम्पयुत्तवारम्पि पटिच्चवारसदिसं.)