१-७. पटिच्चवारादि

पच्चयचतुक्कं

हेतुपच्चयो

२२२. अज्झत्तं हेतुं धम्मं पटिच्च अज्झत्तो हेतु धम्मो उप्पज्जति हेतुपच्चया. (१)

बहिद्धा हेतुं धम्मं पटिच्च बहिद्धा हेतु धम्मो उप्पज्जति हेतुपच्चया. (१) (संखित्तं.)

२२३. हेतुया द्वे, आरम्मणे द्वे…पे… अविगते द्वे (संखित्तं).

नअधिपतिया द्वे, नपुरेजाते द्वे, नपच्छाजाते द्वे, नआसेवने द्वे, नविपाके द्वे, नविप्पयुत्ते द्वे (संखित्तं).

(सहजातवारम्पि…पे… सम्पयुत्तवारम्पि पटिच्चवारसदिसं वित्थारेतब्बं.)

हेतुआरम्मणपच्चयादि

२२४. अज्झत्तो हेतु धम्मो अज्झत्तस्स हेतुस्स धम्मस्स हेतुपच्चयेन पच्चयो. (१)

बहिद्धा हेतु धम्मो बहिद्धा हेतुस्स धम्मस्स हेतुपच्चयेन पच्चयो.

अज्झत्तो हेतु धम्मो अज्झत्तस्स हेतुस्स धम्मस्स आरम्मणपच्चयेन पच्चयो. अज्झत्तो हेतु धम्मो बहिद्धा हेतुस्स धम्मस्स आरम्मणपच्चयेन पच्चयो. (२)

बहिद्धा हेतु धम्मो बहिद्धा हेतुस्स धम्मस्स आरम्मणपच्चयेन पच्चयो. बहिद्धा हेतु धम्मो अज्झत्तस्स हेतुस्स धम्मस्स आरम्मणपच्चयेन पच्चयो. (२)

२२५. अज्झत्तो हेतु धम्मो अज्झत्तस्स हेतुस्स धम्मस्स अधिपतिपच्चयेन पच्चयो. (१)

बहिद्धा हेतु धम्मो बहिद्धा हेतुस्स धम्मस्स अधिपतिपच्चयेन पच्चयो. (१)

अज्झत्तो हेतु धम्मो अज्झत्तस्स हेतुस्स धम्मस्स अनन्तरपच्चयेन पच्चयो. (१)

बहिद्धा हेतु धम्मो बहिद्धा हेतुस्स धम्मस्स अनन्तरपच्चयेन पच्चयो. (१) (संखित्तं.)

२२६. हेतुया द्वे, आरम्मणे चत्तारि, अधिपतिया द्वे, अनन्तरे द्वे, समनन्तरे द्वे, सहजाते द्वे, अञ्ञमञ्ञे द्वे, निस्सये द्वे, उपनिस्सये चत्तारि…पे… अविगते द्वे (संखित्तं).

नहेतुया चत्तारि, नआरम्मणे चत्तारि (संखित्तं).

हेतुपच्चया नआरम्मणे द्वे (संखित्तं).

नहेतुपच्चया आरम्मणे चत्तारि (संखित्तं).

(यथा कुसलत्तिके पञ्हावारं, एवं वित्थारेतब्बं.)

नहेतुपदं