१-७. पटिच्चवारादि
पच्चयचतुक्कं
हेतुपच्चयो
२१४. अतीतारम्मणं हेतुं धम्मं पटिच्च अतीतारम्मणो हेतु धम्मो उप्पज्जति हेतुपच्चया. (१)
अनागतारम्मणं हेतुं धम्मं पटिच्च अनागतारम्मणो हेतु धम्मो उप्पज्जति हेतुपच्चया. (१)
पच्चुप्पन्नारम्मणं हेतुं धम्मं पटिच्च पच्चुप्पन्नारम्मणो हेतु धम्मो उप्पज्जति हेतुपच्चया. (१) (संखित्तं.)
२१५. हेतुया तीणि, आरम्मणे तीणि…पे… अविगते तीणि (संखित्तं).
नअधिपतिया तीणि, नपुरेजाते तीणि, नपच्छाजाते तीणि, नआसेवने तीणि, नविपाके तीणि, नविप्पयुत्ते द्वे (संखित्तं).
(सहजातवारम्पि…पे… सम्पयुत्तवारम्पि पटिच्चवारसदिसं वित्थारेतब्बं.)
हेतु-आरम्मणपच्चया
२१६. अतीतारम्मणो हेतु धम्मो अतीतारम्मणस्स हेतुस्स धम्मस्स हेतुपच्चयेन पच्चयो. (१)
अनागतारम्मणो हेतु धम्मो अनागतारम्मणस्स हेतुस्स धम्मस्स हेतुपच्चयेन पच्चयो. (१)
पच्चुप्पन्नारम्मणो हेतु धम्मो पच्चुप्पन्नारम्मणस्स हेतुस्स धम्मस्स हेतुपच्चयेन पच्चयो. (१)
अतीतारम्मणो हेतु धम्मो अतीतारम्मणस्स हेतुस्स धम्मस्स आरम्मणपच्चयेन पच्चयो. अतीतारम्मणो हेतु धम्मो अनागतारम्मणस्स हेतुस्स धम्मस्स आरम्मणपच्चयेन पच्चयो. अतीतारम्मणो हेतु धम्मो पच्चुप्पन्नारम्मणस्स हेतुस्स धम्मस्स आरम्मणपच्चयेन पच्चयो. (३)
अनागतारम्मणो हेतु धम्मो अनागतारम्मणस्स हेतुस्स धम्मस्स आरम्मणपच्चयेन पच्चयो… तीणि.
पच्चुप्पन्नारम्मणो हेतु धम्मो पच्चुप्पन्नारम्मणस्स हेतुस्स धम्मस्स आरम्मणपच्चयेन पच्चयो… तीणि (संखित्तं).
२१७. हेतुया तीणि, आरम्मणे नव, अधिपतिया सत्त, अनन्तरे छ, समनन्तरे छ, सहजाते तीणि, अञ्ञमञ्ञे तीणि, निस्सये तीणि, उपनिस्सये नव…पे… अविगते तीणि (संखित्तं).
नहेतुया नव, नआरम्मणे नव (संखित्तं).
हेतुपच्चया नआरम्मणे तीणि (संखित्तं).
नहेतुपच्चया आरम्मणे नव (संखित्तं).
(यथा कुसलत्तिके पञ्हावारं, एवं वित्थारेतब्बं.)