७. पञ्हावारो

पच्चयचतुक्कं

१५६. सेक्खो नहेतु धम्मो नेवसेक्खनासेक्खस्स नहेतुस्स धम्मस्स आरम्मणपच्चयेन पच्चयो. (१)

असेक्खो नहेतु धम्मो नेवसेक्खनासेक्खस्स नहेतुस्स धम्मस्स आरम्मणपच्चयेन पच्चयो. (१)

नेवसेक्खनासेक्खो नहेतु धम्मो नेवसेक्खनासेक्खस्स नहेतुस्स धम्मस्स आरम्मणपच्चयेन पच्चयो. नेवसेक्खनासेक्खो नहेतु धम्मो सेक्खस्स नहेतुस्स धम्मस्स आरम्मणपच्चयेन पच्चयो. नेवसेक्खनासेक्खो नहेतु धम्मो असेक्खस्स नहेतुस्स धम्मस्स आरम्मणपच्चयेन पच्चयो. (३)

सेक्खो नहेतु धम्मो सेक्खस्स नहेतुस्स धम्मस्स अधिपतिपच्चयेन पच्चयो… तीणि.

असेक्खो नहेतु धम्मो असेक्खस्स नहेतुस्स धम्मस्स अधिपतिपच्चयेन पच्चयो… तीणि.

नेवसेक्खनासेक्खो नहेतु धम्मो नेवसेक्खनासेक्खस्स नहेतुस्स धम्मस्स अधिपतिपच्चयेन पच्चयो… तीणि (संखित्तं).

१५७. आरम्मणे पञ्च, अधिपतिया नव, अनन्तरे अट्ठ, समनन्तरे अट्ठ, सहजाते नव, अञ्ञमञ्ञे तीणि, निस्सये तेरस, उपनिस्सये अट्ठ…पे… अविगते तेरस (संखित्तं).

नहेतुया चुद्दस, नआरम्मणे चुद्दस (संखित्तं).

आरम्मणपच्चया नहेतुया पञ्च (संखित्तं).

नहेतुपच्चया आरम्मणे पञ्च (संखित्तं).

(यथा कुसलत्तिके पञ्हावारं, एवं वित्थारेतब्बं.)