१-७. पटिच्चवारादि
पच्चयचतुक्कं
हेतुपच्चयो
१२४. दस्सनेन पहातब्बहेतुकं हेतुं धम्मं पटिच्च दस्सनेन पहातब्बहेतुको हेतु धम्मो उप्पज्जति हेतुपच्चया. (१)
भावनाय पहातब्बहेतुकं हेतुं धम्मं पटिच्च भावनाय पहातब्बहेतुको हेतु धम्मो उप्पज्जति हेतुपच्चया. (१)
नेवदस्सनेन नभावनाय पहातब्बहेतुकं हेतुं धम्मं पटिच्च नेवदस्सनेन नभावनाय पहातब्बहेतुको हेतु धम्मो उप्पज्जति हेतुपच्चया (१) (संखित्तं.)
१२५. हेतुया तीणि, आरम्मणे तीणि…पे… अविगते तीणि (संखित्तं).
नअधिपतिया तीणि, नपुरेजाते तीणि…पे… नविप्पयुत्ते तीणि (संखित्तं. सहजातवारम्पि …पे… सम्पयुत्तवारम्पि पटिच्चवारसदिसं वित्थारेतब्बं).
१२६. दस्सनेन पहातब्बहेतुको हेतु धम्मो दस्सनेन पहातब्बहेतुकस्स हेतुस्स धम्मस्स हेतुपच्चयेन पच्चयो (संखित्तं).
हेतुया तीणि, आरम्मणे अट्ठ, अधिपतिया छ…पे… अविगते तीणि (संखित्तं).
नहेतुया अट्ठ, नआरम्मणे अट्ठ (संखित्तं).
हेतुपच्चया नआरम्मणे तीणि (संखित्तं).
नहेतुपच्चया आरम्मणे अट्ठ (संखित्तं).
(यथा कुसलत्तिके पञ्हावारं, एवं वित्थारेतब्बं.)