७. पञ्हावारो

पच्चयचतुक्कं

१२२. दस्सनेन पहातब्बो नहेतु धम्मो दस्सनेन पहातब्बस्स नहेतुस्स धम्मस्स आरम्मणपच्चयेन पच्चयो. दस्सनेन पहातब्बो नहेतु धम्मो नेवदस्सनेन नभावनाय पहातब्बस्स नहेतुस्स धम्मस्स आरम्मणपच्चयेन पच्चयो… द्वे.

भावनाय पहातब्बो नहेतु धम्मो भावनाय पहातब्बस्स नहेतुस्स धम्मस्स आरम्मणपच्चयेन पच्चयो… तीणि.

नेवदस्सनेन नभावनाय पहातब्बो नहेतु धम्मो नेवदस्सनेन नभावनाय पहातब्बस्स नहेतुस्स धम्मस्स आरम्मणपच्चयेन पच्चयो… तीणि (संखित्तं).

१२३. आरम्मणे अट्ठ, अधिपतिया दस…पे… अविगते तेरस (संखित्तं).

नहेतुया चुद्दस, नआरम्मणे चुद्दस (संखित्तं).

आरम्मणपच्चया नहेतुया अट्ठ (संखित्तं).

नहेतुपच्चया आरम्मणे अट्ठ (संखित्तं).

(यथा कुसलत्तिके पञ्हावारं, एवं वित्थारेतब्बं.)