१-६. पटिच्चवारादि

पच्चयचतुक्कं

७८. सवितक्कसविचारं हेतुं धम्मं पटिच्च सवितक्कसविचारो हेतु धम्मो उप्पज्जति हेतुपच्चया. (१)

अवितक्कविचारमत्तं हेतुं धम्मं पटिच्च अवितक्कविचारमत्तो हेतु धम्मो उप्पज्जति हेतुपच्चया. (१)

अवितक्कअविचारं हेतुं धम्मं पटिच्च अवितक्कअविचारो हेतु धम्मो उप्पज्जति हेतुपच्चया. (१) (संखित्तं.)

७९. हेतुया तीणि, आरम्मणे तीणि…पे… अविगते तीणि (संखित्तं).

नअधिपतिया तीणि, नपुरेजाते तीणि, नपच्छाजाते तीणि, नआसेवने तीणि, नविपाके तीणि, नविप्पयुत्ते तीणि (संखित्तं).

(यथा सहजातवारम्पि… सम्पयुत्तवारम्पि एवं वित्थारेतब्बं.)