७. पञ्हावारो

पच्चयचतुक्कं

आरम्मण-अधिपतिपच्चया

७५. संकिलिट्ठसंकिलेसिको नहेतु धम्मो संकिलिट्ठसंकिलेसिकस्स नहेतुस्स धम्मस्स आरम्मणपच्चयेन पच्चयो… द्वे.

असंकिलिट्ठसंकिलेसिको नहेतु धम्मो असंकिलिट्ठसंकिलेसिकस्स नहेतुस्स धम्मस्स आरम्मणपच्चयेन पच्चयो… द्वे.

असंकिलिट्ठअसंकिलेसिको नहेतु धम्मो असंकिलिट्ठअसंकिलेसिकस्स नहेतुस्स धम्मस्स आरम्मणपच्चयेन पच्चयो… द्वे.

७६. संकिलिट्ठसंकिलेसिको नहेतु धम्मो संकिलिट्ठसंकिलेसिकस्स नहेतुस्स धम्मस्स अधिपतिपच्चयेन पच्चयो… तीणि.

असंकिलिट्ठसंकिलेसिको नहेतु धम्मो असंकिलिट्ठसंकिलेसिकस्स नहेतुस्स धम्मस्स अधिपतिपच्चयेन पच्चयो… द्वे.

असंकिलिट्ठअसंकिलेसिको नहेतु धम्मो असंकिलिट्ठअसंकिलेसिकस्स नहेतुस्स धम्मस्स अधिपतिपच्चयेन पच्चयो… तीणि (संखित्तं).

७७. आरम्मणे छ, अधिपतिया अट्ठ, अनन्तरे सत्त, समनन्तरे सत्त, सहजाते नव, अञ्ञमञ्ञे तीणि, निस्सये तेरस, उपनिस्सये अट्ठ, आसेवने तीणि, कम्मे सत्त, विपाके चत्तारि, आहारे सत्त…पे… अविगते तेरस (संखित्तं).

नहेतुया चुद्दस, नआरम्मणे चुद्दस (संखित्तं).

आरम्मणपच्चया नहेतुया छ (संखित्तं).

नहेतुपच्चया आरम्मणे छ (संखित्तं).

(यथा कुसलत्तिके पञ्हावारं, एवं वित्थारेतब्बं.)