१-६. पटिच्चवारादि

पच्चयचतुक्कं

६४. संकिलिट्ठसंकिलेसिकं हेतुं धम्मं पटिच्च संकिलिट्ठसंकिलेसिको हेतु धम्मो उप्पज्जति हेतुपच्चया. (१)

असंकिलिट्ठसंकिलेसिकं हेतुं धम्मं पटिच्च असंकिलिट्ठसंकिलेसिको हेतु धम्मो उप्पज्जति हेतुपच्चया. (१)

असंकिलिट्ठअसंकिलेसिकं हेतुं धम्मं पटिच्च असंकिलिट्ठअसंकिलेसिको हेतु धम्मो उप्पज्जति हेतुपच्चया. (१) (संखित्तं.)

६५. हेतुया तीणि, आरम्मणे तीणि…पे… अविगते तीणि (संखित्तं).

नअधिपतिया तीणि, नपुरेजाते तीणि, नपच्छाजाते तीणि, नआसेवने तीणि, नविपाके तीणि, नविप्पयुत्ते तीणि. (संखित्तं.) (सहजातवारम्पि…पे… सम्पयुत्तवारम्पि वित्थारेतब्बं.)