१-७. पटिच्चवारादि
पच्चयचतुक्कं
६९. अरणं अनिदस्सनसप्पटिघं धम्मं पटिच्च अरणो अनिदस्सनसप्पटिघो धम्मो उप्पज्जति हेतुपच्चया (संखित्तं).
हेतुया एकं, अधिपतिया एकं…पे… अविगते एकं. (संखित्तं.) (सहजातवारेपि…पे… पञ्हावारेपि सब्बत्थ एकं.)
७०. सरणं अनिदस्सनअप्पटिघं धम्मं पटिच्च सरणो अनिदस्सनअप्पटिघो धम्मो उप्पज्जति हेतुपच्चया… तीणि.
अरणं अनिदस्सनअप्पटिघं धम्मं पटिच्च अरणो अनिदस्सनअप्पटिघो धम्मो उप्पज्जति हेतुपच्चया. (१)
सरणं अनिदस्सनअप्पटिघञ्च अरणं अनिदस्सनअप्पटिघञ्च धम्मं पटिच्च अरणो अनिदस्सनअप्पटिघो धम्मो उप्पज्जति हेतुपच्चया. (१) (संखित्तं.)
हेतुया पञ्च, आरम्मणे द्वे…पे… अविगते पञ्च. (संखित्तं.) (सहजातवारोपि…पे… सम्पयुत्तवारोपि वित्थारेतब्बा.)
७१. अरणो अनिदस्सनसप्पटिघो धम्मो अरणस्स अनिदस्सनसप्पटिघस्स धम्मस्स सहजातपच्चयेन पच्चयो… एकं (अञ्ञमञ्ञे एकं, निस्सये एकं, अत्थिया एकं, अविगते एकं. संखित्तं).
७२. सरणो अनिदस्सनअप्पटिघो धम्मो सरणस्स अनिदस्सनअप्पटिघस्स धम्मस्स हेतुपच्चयेन पच्चयो… तीणि. अरणो अनिदस्सनअप्पटिघो धम्मो अरणस्स अनिदस्सनअप्पटिघस्स धम्मस्स हेतुपच्चयेन पच्चयो. (१) (संखित्तं.)
७३. हेतुया चत्तारि, आरम्मणे चत्तारि…पे… अविगते सत्त (संखित्तं).
नहेतुया सत्त, नआरम्मणे सत्त (संखित्तं).
हेतुपच्चया नआरम्मणे चत्तारि (संखित्तं).
नहेतुपच्चया आरम्मणे चत्तारि (संखित्तं).
(यथा कुसलत्तिके पञ्हावारस्स अनुलोमम्पि पच्चनीयम्पि अनुलोमपच्चनीयम्पि पच्चनीयानुलोमम्पि गणितं, एवं गणेतब्बं.)
धम्मानुलोमे दुकतिकपट्ठानं निट्ठितं.