अब्याकतपदं

हेतुपच्चयो

५१. सप्पीतिकं अब्याकतं धम्मं पटिच्च सप्पीतिको अब्याकतो धम्मो उप्पज्जति हेतुपच्चया… तीणि.

अप्पीतिकं अब्याकतं धम्मं पटिच्च अप्पीतिको अब्याकतो धम्मो उप्पज्जति हेतुपच्चया… तीणि.

सप्पीतिकं अब्याकतञ्च अप्पीतिकं अब्याकतञ्च धम्मं पटिच्च सप्पीतिको अब्याकतो धम्मो उप्पज्जति हेतुपच्चया… तीणि (संखित्तं).

५२. हेतुया नव, आरम्मणे नव…पे… पुरेजाते छ, आसेवने छ…पे… अविगते नव (संखित्तं).

नहेतुया नव, नआरम्मणे तीणि, नअधिपतिया नव…पे… नकम्मे चत्तारि, नविपाके नव, नआहारे एकं, नइन्द्रिये एकं, नझाने एकं, नमग्गे नव, नसम्पयुत्ते तीणि, नविप्पयुत्ते छ…पे… (संखित्तं. सहजातवारादि वित्थारेतब्बो).

५३. सप्पीतिको अब्याकतो धम्मो सप्पीतिकस्स अब्याकतस्स धम्मस्स हेतुपच्चयेन पच्चयो (संखित्तं).

५४. हेतुया चत्तारि, आरम्मणे नव, अधिपतिया नव, अनन्तरे नव…पे… (सब्बत्थ नव), उपनिस्सये नव, पुरेजाते तीणि, पच्छाजाते तीणि, आसेवने नव, कम्मे चत्तारि, विपाके नव, आहारे चत्तारि, इन्द्रिये चत्तारि, झाने नव, मग्गे चत्तारि, सम्पयुत्ते छ, विप्पयुत्ते पञ्च, अत्थिया नव…पे… अविगते नव (संखित्तं).