२. पच्चयपच्चनीयं

१. विभङ्गवारो

५७. परामासविप्पयुत्तं धम्मं पच्चया परामासविप्पयुत्तो धम्मो उप्पज्जति नहेतुपच्चया – अहेतुकं परामासविप्पयुत्तं एकं खन्धं पच्चया तयो खन्धा चित्तसमुट्ठानञ्च रूपं…पे… द्वे खन्धे…पे… अहेतुकपटिसन्धिक्खणे…पे… (याव असञ्ञसत्ता) चक्खायतनं पच्चया चक्खुविञ्ञाणं…पे… कायायतनं पच्चया कायविञ्ञाणं, वत्थुं पच्चया अहेतुकपरामासविप्पयुत्ता खन्धा; विचिकिच्छासहगते उद्धच्चसहगते खन्धे च वत्थुञ्च पच्चया विचिकिच्छासहगतो उद्धच्चसहगतो मोहो.