५. संसट्ठवारो

१-४. पच्चयचतुक्कं

२१. नीवरणं धम्मं संसट्ठो नीवरणो धम्मो उप्पज्जति हेतुपच्चया – कामच्छन्दनीवरणं संसट्ठं थिनमिद्धनीवरणं उद्धच्चनीवरणं अविज्जानीवरणं (चक्कं. सब्बं नीवरणं वित्थारेतब्बं).

२२. हेतुया नव, आरम्मणे नव (सब्बत्थ नव), विपाके एकं…पे… अविगते नव.

अनुलोमं.

२३. नीवरणं धम्मं संसट्ठो नीवरणो धम्मो उप्पज्जति नहेतुपच्चया – विचिकिच्छानीवरणं संसट्ठं अविज्जानीवरणं, उद्धच्चनीवरणं संसट्ठं अविज्जानीवरणं (संखित्तं).

२४. नहेतुया चत्तारि, नअधिपतिया नव, नपुरेजाते नव, नपच्छाजाते नव, नआसेवने नव, नकम्मे तीणि, नविपाके नव, नझाने एकं, नमग्गे एकं, नविप्पयुत्ते नव.

पच्चनीयं.