१. विभङ्गवारो

नहेतुपच्चयो

५८. गन्थविप्पयुत्तं धम्मं पच्चया गन्थविप्पयुत्तो धम्मो उप्पज्जति नहेतुपच्चया – अहेतुकं गन्थविप्पयुत्तं…पे… अहेतुकपटिसन्धिक्खणे (याव असञ्ञसत्ता), चक्खायतनं पच्चया चक्खुविञ्ञाणं…पे… कायायतनं पच्चया कायविञ्ञाणं, वत्थुं पच्चया अहेतुका गन्थविप्पयुत्ता खन्धा, विचिकिच्छासहगते उद्धच्चसहगते खन्धे च वत्थुञ्च पच्चया विचिकिच्छासहगतो उद्धच्चसहगतो मोहो (संखित्तं).