२. सङ्ख्यावारो

सुद्धं

१११. हेतुया तीणि, आरम्मणे नव, अधिपतिया नव, अनन्तरे नव, समनन्तरे नव, सहजाते नव, अञ्ञमञ्ञे नव, निस्सये नव, उपनिस्सये नव, आसेवने नव, कम्मे तीणि, आहारे तीणि, इन्द्रिये तीणि, झाने तीणि, मग्गे नव, सम्पयुत्ते नव, अत्थिया नव, नत्थिया नव, विगते नव, अविगते नव.

अनुलोमं.

पच्चनीयुद्धारो

११२. सञ्ञोजनो चेव सञ्ञोजनसम्पयुत्तो च धम्मो सञ्ञोजनस्स चेव सञ्ञोजनसम्पयुत्तस्स च धम्मस्स आरम्मणपच्चयेन पच्चयो… सहजातपच्चयेन पच्चयो… उपनिस्सयपच्चयेन पच्चयो…. (संखित्तं. एवं नव पञ्हा कातब्बा. तीसुयेव पदेसु परिवत्तेतब्बा, नानाक्खणिका नत्थि.)