१. पटिच्चवारो

हेतुपच्चयो

१३१. आसवविप्पयुत्तं सासवं धम्मं पटिच्च आसवविप्पयुत्तो सासवो धम्मो उप्पज्जति हेतुपच्चया – आसवविप्पयुत्तं सासवं एकं खन्धं पटिच्च तयो खन्धा चित्तसमुट्ठानञ्च रूपं…पे… द्वे खन्धे…पे… पटिसन्धिक्खणे …पे… खन्धे पटिच्च वत्थु, वत्थुं पटिच्च खन्धा, एकं महाभूतं…पे…. (१)

आसवविप्पयुत्तं अनासवं धम्मं पटिच्च आसवविप्पयुत्तो अनासवो धम्मो उप्पज्जति हेतुपच्चया… तीणि.

(यथा चूळन्तरदुके लोकियदुकं एवं वित्थारेतब्बं निन्नानाकरणं, संखित्तं.)

आसवविप्पयुत्तसासवदुकं निट्ठितं.

आसवगोच्छकं निट्ठितं.