१. विभङ्गवारो

नहेतुपच्चयो

५१. उपादानविप्पयुत्तं धम्मं पटिच्च उपादानविप्पयुत्तो धम्मो उप्पज्जति नहेतुपच्चया – अहेतुकं उपादानविप्पयुत्तं एकं खन्धं पटिच्च तयो खन्धा चित्तसमुट्ठानञ्च रूपं…पे… द्वे खन्धे…पे… अहेतुकपटिसन्धिक्खणे…पे… (याव असञ्ञसत्ता) विचिकिच्छासहगते उद्धच्चसहगते खन्धे पटिच्च विचिकिच्छासहगतो उद्धच्चसहगतो मोहो. (१)

नआरम्मणपच्चयादि

५२. उपादानसम्पयुत्तं धम्मं पटिच्च उपादानविप्पयुत्तो धम्मो उप्पज्जति नआरम्मणपच्चया – उपादानसम्पयुत्ते खन्धे पटिच्च चित्तसमुट्ठानं रूपं. (१)

उपादानविप्पयुत्तं धम्मं पटिच्च उपादानविप्पयुत्तो धम्मो उप्पज्जति नआरम्मणपच्चया – उपादानविप्पयुत्ते खन्धे पटिच्च चित्तसमुट्ठानं रूपं, दिट्ठिगतविप्पयुत्तं लोभं पटिच्च चित्तसमुट्ठानं रूपं; पटिसन्धिक्खणे…पे… (याव असञ्ञसत्ता). (१)

उपादानसम्पयुत्तञ्च उपादानविप्पयुत्तञ्च धम्मं पटिच्च उपादानविप्पयुत्तो धम्मो उप्पज्जति नआरम्मणपच्चया – उपादानसम्पयुत्ते खन्धे च महाभूते च पटिच्च चित्तसमुट्ठानं रूपं, दिट्ठिगतविप्पयुत्तलोभसहगते खन्धे च लोभञ्च पटिच्च चित्तसमुट्ठानं रूपं. (१)

नअधिपतिपच्चया… नअनन्तरपच्चया… नसमनन्तरपच्चया… नउपनिस्सयपच्चया.

नपुरेजातपच्चयादि

५३. उपादानसम्पयुत्तं धम्मं पटिच्च उपादानसम्पयुत्तो धम्मो उप्पज्जति नपुरेजातपच्चया – अरूपे उपादानसम्पयुत्तं एकं खन्धं पटिच्च तयो खन्धा…पे… द्वे खन्धे…पे…. (१)

उपादानसम्पयुत्तं धम्मं पटिच्च उपादानविप्पयुत्तो धम्मो उप्पज्जति नपुरेजातपच्चया – अरूपे दिट्ठिगतविप्पयुत्तलोभसहगते खन्धे पटिच्च लोभो, उपादानसम्पयुत्ते खन्धे पटिच्च चित्तसमुट्ठानं रूपं. (२)

उपादानसम्पयुत्तं धम्मं पटिच्च उपादानसम्पयुत्तो च उपादानविप्पयुत्तो च धम्मा उप्पज्जन्ति नपुरेजातपच्चया – अरूपे दिट्ठिगतविप्पयुत्तलोभसहगतं एकं खन्धं पटिच्च तयो खन्धा लोभो च…पे… द्वे खन्धे…पे…. (३)

५४. उपादानविप्पयुत्तं धम्मं पटिच्च उपादानविप्पयुत्तो धम्मो उप्पज्जति नपुरेजातपच्चया – अरूपे उपादानविप्पयुत्तं एकं खन्धं पटिच्च तयो खन्धा…पे… द्वे खन्धे…पे… उपादानविप्पयुत्ते खन्धे पटिच्च चित्तसमुट्ठानं रूपं, दिट्ठिगतविप्पयुत्तं लोभं पटिच्च चित्तसमुट्ठानं रूपं; पटिसन्धिक्खणे…पे… (याव असञ्ञसत्ता). (१)

उपादानविप्पयुत्तं धम्मं पटिच्च उपादानसम्पयुत्तो धम्मो उप्पज्जति नपुरेजातपच्चया – अरूपे दिट्ठिगतविप्पयुत्तं लोभं पटिच्च सम्पयुत्तका खन्धा. (२)

उपादानसम्पयुत्तञ्च उपादानविप्पयुत्तञ्च धम्मं पटिच्च उपादानसम्पयुत्तो धम्मो उप्पज्जति नपुरेजातपच्चया – अरूपे दिट्ठिगतविप्पयुत्तलोभसहगतं एकं खन्धञ्च लोभञ्च पटिच्च तयो खन्धा…पे… द्वे खन्धे च…पे…. (१)

उपादानसम्पयुत्तञ्च उपादानविप्पयुत्तञ्च धम्मं पटिच्च उपादानविप्पयुत्तो धम्मो उप्पज्जति नपुरेजातपच्चया – उपादानसम्पयुत्ते खन्धे च महाभूते च पटिच्च चित्तसमुट्ठानं रूपं, दिट्ठिगतविप्पयुत्तलोभसहगते खन्धे च लोभञ्च पटिच्च चित्तसमुट्ठानं रूपं. (२)

नपच्छाजातपच्चया… नआसेवनपच्चया.

नकम्मपच्चयो

५५. उपादानसम्पयुत्तं धम्मं पटिच्च उपादानसम्पयुत्तो धम्मो उप्पज्जति नकम्मपच्चया – उपादानसम्पयुत्ते खन्धे पटिच्च सम्पयुत्तका चेतना. (१)

उपादानविप्पयुत्तं धम्मं पटिच्च उपादानविप्पयुत्तो धम्मो उप्पज्जति नकम्मपच्चया – उपादानविप्पयुत्ते खन्धे पटिच्च सम्पयुत्तका चेतना; बाहिरं… आहारसमुट्ठानं… उतुसमुट्ठानं…पे…. (१)

उपादानविप्पयुत्तं धम्मं पटिच्च उपादानसम्पयुत्तो धम्मो उप्पज्जति नकम्मपच्चया – दिट्ठिगतविप्पयुत्तं लोभं पटिच्च सम्पयुत्तका चेतना. (२)

उपादानसम्पयुत्तञ्च उपादानविप्पयुत्तञ्च धम्मं पटिच्च उपादानसम्पयुत्तो धम्मो उप्पज्जति नकम्मपच्चया – दिट्ठिगतविप्पयुत्तलोभसहगते खन्धे च लोभञ्च पटिच्च सम्पयुत्तका चेतना. (१) (संखित्तं.)