१-४. पच्चयानुलोमादि

हेतुपच्चयो

१५. उपादानं धम्मं संसट्ठो उपादानो धम्मो उप्पज्जति हेतुपच्चया – दिट्ठुपादानं संसट्ठं कामुपादानं, कामुपादानं संसट्ठं दिट्ठुपादानं (चक्कं. एवं नवपि पञ्हा कातब्बा).

हेतुया नव, आरम्मणे नव, अधिपतिया नव (सब्बत्थ नव), विपाके एकं…पे… विगते नव, अविगते नव.

अनुलोमं.

१६. नोउपादानं धम्मं संसट्ठो नोउपादानो धम्मो उप्पज्जति नहेतुपच्चया – अहेतुकं नोउपादानं एकं खन्धं संसट्ठा तयो खन्धा…पे… द्वे खन्धे…पे… अहेतुकपटिसन्धिक्खणे…पे… विचिकिच्छासहगते उद्धच्चसहगते खन्धे संसट्ठो विचिकिच्छासहगतो उद्धच्चसहगतो मोहो.

नहेतुया एकं, नअधिपतिया नव, नपुरेजाते नव, नपच्छाजाते नव, नआसेवने नव, नकम्मे तीणि, नविपाके नव, नझाने एकं, नमग्गे एकं, नविप्पयुत्ते नव.

पच्चनीयं.