१. पटिच्चवारो

हेतुपच्चयो

१२६. हेतुसम्पयुत्तं धम्मं पटिच्च हेतुसम्पयुत्तो धम्मो उप्पज्जति हेतुपच्चया – हेतुसम्पयुत्तं एकं खन्धं पटिच्च तयो खन्धा…पे… द्वे खन्धे…पे… पटिसन्धिक्खणे…पे…. (१)

हेतुसम्पयुत्तं धम्मं पटिच्च हेतुविप्पयुत्तो धम्मो उप्पज्जति हेतुपच्चया – हेतुसम्पयुत्ते खन्धे पटिच्च चित्तसमुट्ठानं रूपं; पटिसन्धिक्खणे…पे…. (२)

(इमिना कारणेन वित्थारेतब्बं यथा सहेतुकदुकं निन्नानाकरणं.)

हेतुसम्पयुत्तदुकं निट्ठितं.