४. पच्चयपच्चनीयानुलोमं

नहेतुदुकं

१२५. नहेतुपच्चया आरम्मणे नव, अधिपतिया चत्तारि, अनन्तरे नव, समनन्तरे नव, सहजाते नव, अञ्ञमञ्ञे छ, निस्सये नव, उपनिस्सये नव, पुरेजाते तीणि, पच्छाजाते तीणि, आसेवने नव, कम्मे चत्तारि, विपाके चत्तारि, आहारे चत्तारि, इन्द्रिये चत्तारि, झाने चत्तारि, मग्गे तीणि, सम्पयुत्ते छ, विप्पयुत्ते पञ्च, अत्थिया नव, नत्थिया नव, विगते नव, अविगते नव (एवं गणेतब्बं).

पच्चनीयानुलोमं.

सहेतुकदुकं निट्ठितं.