१. विभङ्गवारो

नहेतुपच्चयो

३६. नेवसेक्खनासेक्खं धम्मं संसट्ठो नेवसेक्खनासेक्खो धम्मो उप्पज्जति नहेतुपच्चया – अहेतुकं नेवसेक्खनासेक्खं एकं खन्धं संसट्ठा तयो खन्धा…पे… द्वे खन्धे…पे… अहेतुकपटिसन्धिक्खणे…पे… विचिकिच्छासहगते उद्धच्चसहगते खन्धे संसट्ठो विचिकिच्छासहगतो उद्धच्चसहगतो मोहो. (१)

नअधिपतिपच्चयो

३७. सेक्खं धम्मं संसट्ठो सेक्खो धम्मो उप्पज्जति नअधिपतिपच्चया – सेक्खे खन्धे संसट्ठो सेक्खो अधिपति. (१)

असेक्खं धम्मं संसट्ठो असेक्खो धम्मो उप्पज्जति नअधिपतिपच्चया – असेक्खे खन्धे संसट्ठो असेक्खो अधिपति. (१)

नेवसेक्खनासेक्खं धम्मं संसट्ठो नेवसेक्खनासेक्खो धम्मो उप्पज्जति नअधिपतिपच्चया (परिपुण्णं, एकं).

नपुरेजातपच्चयादि

३८. सेक्खं धम्मं संसट्ठो सेक्खो धम्मो उप्पज्जति नपुरेजातपच्चया… नपच्छाजातपच्चया… नआसेवनपच्चया… नकम्मपच्चया (द्वे कातब्बा)… नविपाकपच्चया (द्वे कातब्बा)… नझानपच्चया… नमग्गपच्चया… नविप्पयुत्तपच्चया…पे….