११. सेक्खत्तिकं

१. पटिच्चवारो

१. पच्चयानुलोमं

१. विभङ्गवारो

हेतुपच्चयो

१. सेक्खं धम्मं पटिच्च सेक्खो धम्मो उप्पज्जति हेतुपच्चया – सेक्खं एकं खन्धं पटिच्च तयो खन्धा…पे… द्वे खन्धे…पे…. (१)

सेक्खं धम्मं पटिच्च नेवसेक्खनासेक्खो [नेवसेखानासेखो (सी.), नेवसेक्खानासेक्खो (स्या. क.)] धम्मो उप्पज्जति हेतुपच्चया – सेक्खे खन्धे पटिच्च चित्तसमुट्ठानं रूपं. (२)

सेक्खं धम्मं पटिच्च सेक्खो च नेवसेक्खनासेक्खो च धम्मा उप्पज्जन्ति हेतुपच्चया – सेक्खं एकं खन्धं पटिच्च तयो खन्धा चित्तसमुट्ठानञ्च रूपं…पे… द्वे खन्धे…पे…. (३)

२. असेक्खं धम्मं पटिच्च असेक्खो धम्मो उप्पज्जति हेतुपच्चया – असेक्खं एकं खन्धं पटिच्च तयो खन्धा…पे…. (१)

असेक्खं धम्मं पटिच्च नेवसेक्खनासेक्खो धम्मो उप्पज्जति हेतुपच्चया – असेक्खे खन्धे पटिच्च चित्तसमुट्ठानं रूपं. (२)

असेक्खं धम्मं पटिच्च असेक्खो च नेवसेक्खनासेक्खो च धम्मा…पे… असेक्खं एकं खन्धं पटिच्च तयो खन्धा चित्तसमुट्ठानञ्च रूपं…पे… द्वे खन्धे…पे…. (३)

३. नेवसेक्खनासेक्खं धम्मं पटिच्च नेवसेक्खनासेक्खो धम्मो उप्पज्जति हेतुपच्चया – नेवसेक्खनासेक्खं एकं खन्धं पटिच्च तयो खन्धा चित्तसमुट्ठानञ्च रूपं…पे… द्वे खन्धे…पे… पटिसन्धिक्खणे …पे… खन्धे पटिच्च वत्थु, वत्थुं पटिच्च खन्धा, एकं महाभूतं पटिच्च तयो महाभूता…पे… द्वे महाभूते पटिच्च द्वे महाभूता, महाभूते पटिच्च चित्तसमुट्ठानं रूपं कटत्तारूपं उपादारूपं. (१)

सेक्खञ्च नेवसेक्खनासेक्खञ्च धम्मं पटिच्च नेवसेक्खनासेक्खो धम्मो उप्पज्जति हेतुपच्चया – सेक्खे खन्धे च महाभूते च पटिच्च चित्तसमुट्ठानं रूपं. (१)

असेक्खञ्च नेवसेक्खनासेक्खञ्च धम्मं पटिच्च नेवसेक्खनासेक्खो धम्मो उप्पज्जति हेतुपच्चया – असेक्खे खन्धे च महाभूते च पटिच्च चित्तसमुट्ठानं रूपं. (१)

आरम्मणपच्चयादि

४. सेक्खं धम्मं पटिच्च सेक्खो धम्मो उप्पज्जति आरम्मणपच्चया… अधिपतिपच्चया (पटिसन्धि नत्थि)… अनन्तरपच्चया… समनन्तरपच्चया… सहजातपच्चया (सब्बे महाभूता कातब्बा)… अञ्ञमञ्ञपच्चया… निस्सयपच्चया… उपनिस्सयपच्चया… पुरेजातपच्चया… आसेवनपच्चया – सेक्खं एकं खन्धं पटिच्च तयो खन्धा…पे… द्वे खन्धे…पे….

नेवसेक्खनासेक्खं धम्मं पटिच्च नेवसेक्खनासेक्खो धम्मो उप्पज्जति आसेवनपच्चया – नेवसेक्खनासेक्खं एकं खन्धं पटिच्च तयो खन्धा…पे… द्वे खन्धे …पे… कम्मपच्चया, विपाकपच्चया – विपाकं सेक्खं एकं खन्धं पटिच्च तयो खन्धा…पे… द्वे खन्धे…पे… (तीणि, परिपुण्णं).

असेक्खं धम्मं पटिच्च असेक्खो धम्मो उप्पज्जति विपाकपच्चया – असेक्खं एकं खन्धं पटिच्च… तीणि.

नेवसेक्खनासेक्खं धम्मं पटिच्च नेवसेक्खनासेक्खो धम्मो उप्पज्जति विपाकपच्चया – विपाकं नेवसेक्खनासेक्खं एकं खन्धं पटिच्च तयो खन्धा चित्तसमुट्ठानञ्च रूपं…पे… द्वे खन्धे…पे… पटिसन्धिक्खणे…पे… खन्धे पटिच्च वत्थु, वत्थुं पटिच्च खन्धा, एकं महाभूतं…पे…. (१)

सेक्खञ्च नेवसेक्खनासेक्खञ्च धम्मं पटिच्च नेवसेक्खनासेक्खो धम्मो उप्पज्जति विपाकपच्चया – विपाके सेक्खे खन्धे च महाभूते च पटिच्च चित्तसमुट्ठानं रूपं. (१)

असेक्खञ्च नेवसेक्खनासेक्खञ्च धम्मं पटिच्च नेवसेक्खनासेक्खो धम्मो उप्पज्जति विपाकपच्चया – असेक्खे खन्धे च महाभूते च पटिच्च चित्तसमुट्ठानं रूपं. (१)

आहारपच्चयादि

५. सेक्खं धम्मं पटिच्च सेक्खो धम्मो उप्पज्जति आहारपच्चया… इन्द्रियपच्चया… झानपच्चया… मग्गपच्चय… सम्पयुत्तपच्चया… विप्पयुत्तपच्चया… अत्थिपच्चया… नत्थिपच्चया… विगतपच्चया… अविगतपच्चया.

१. पच्चयानुलोमं

२. सङ्ख्यावारो

सुद्धं

६. हेतुया नव, आरम्मणे तीणि, अधिपतिया नव, अनन्तरे तीणि, समनन्तरे तीणि, सहजाते नव, अञ्ञमञ्ञे तीणि, निस्सये नव, उपनिस्सये तीणि, पुरेजाते तीणि, आसेवने द्वे, कम्मे नव, विपाके आहारे इन्द्रिये झाने मग्गे नव, सम्पयुत्ते तीणि, विप्पयुत्ते नव, अत्थिया नव, नत्थिया तीणि, विगते तीणि, अविगते नव (एवं गणेतब्बं).

अनुलोमं.

२. पच्चयपच्चनीयं

१. विभङ्गवारो

नहेतुपच्चयो

७. नेवसेक्खनासेक्खं धम्मं पटिच्च नेवसेक्खनासेक्खो धम्मो उप्पज्जति नहेतुपच्चया – अहेतुकं नेवसेक्खनासेक्खं एकं खन्धं पटिच्च तयो खन्धा चित्तसमुट्ठानञ्च रूपं…पे… द्वे खन्धे…पे… अहेतुकपटिसन्धिक्खणे…पे… खन्धे पटिच्च वत्थु, वत्थुं पटिच्च खन्धा, एकं महाभूतं…पे… बाहिरं… आहारसमुट्ठानं… उतुसमुट्ठानं… असञ्ञसत्तानं एकं महाभूतं…पे… विचिकिच्छासहगते उद्धच्चसहगते खन्धे पटिच्च विचिकिच्छासहगतो उद्धच्चसहगतो मोहो. (१)

नआरम्मणपच्चयो

८. सेक्खं धम्मं पटिच्च नेवसेक्खनासेक्खो धम्मो उप्पज्जति नआरम्मणपच्चया – सेक्खे खन्धे पटिच्च चित्तसमुट्ठानं रूपं. (१)

असेक्खं धम्मं पटिच्च नेवसेक्खनासेक्खो धम्मो उप्पज्जति नआरम्मणपच्चया – असेक्खे खन्धे पटिच्च चित्तसमुट्ठानं रूपं. (१)

नेवसेक्खनासेक्खं धम्मं पटिच्च नेवसेक्खनासेक्खो धम्मो उप्पज्जति नआरम्मणपच्चया – नेवसेक्खनासेक्खे खन्धे पटिच्च चित्तसमुट्ठानं रूपं…पे… पटिसन्धिक्खणे…पे… खन्धे पटिच्च वत्थु…पे… एकं महाभूतं…पे… असञ्ञसत्तानं…पे…. (१)

सेक्खञ्च नेवसेक्खनासेक्खञ्च धम्मं पटिच्च नेवसेक्खनासेक्खो धम्मो उप्पज्जति नआरम्मणपच्चया – सेक्खे खन्धे च महाभूते च पटिच्च चित्तसमुट्ठानं रूपं. (१)

असेक्खञ्च नेवसेक्खनासेक्खञ्च धम्मं पटिच्च नेवसेक्खनासेक्खो धम्मो उप्पज्जति नआरम्मणपच्चया – असेक्खे खन्धे च महाभूते च पटिच्च चित्तसमुट्ठानं रूपं. (१)

नअधिपतिपच्चयादि

९. सेक्खं धम्मं पटिच्च सेक्खो धम्मो उप्पज्जति नअधिपतिपच्चया – सेक्खे खन्धे पटिच्च सेक्खो अधिपति. (१)

असेक्खं धम्मं पटिच्च असेक्खो धम्मो उप्पज्जति नअधिपतिपच्चया – असेक्खे खन्धे पटिच्च असेक्खो अधिपति. (१)

नेवसेक्खनासेक्खं धम्मं पटिच्च नेवसेक्खनासेक्खो धम्मो उप्पज्जति नअधिपतिपच्चया… (परिपुण्णं, पटिसन्धिपि महाभूतापि सब्बे) नअनन्तरपच्चया… नसमनन्तरपच्चया… नअञ्ञमञ्ञपच्चया… नउपनिस्सयपच्चया… नपुरेजातपच्चया… सत्त (कुसलत्तिकसदिसा)… नपच्छाजातपच्चया…पे… नआसेवनपच्चया. विपाकं सेक्खं एकं खन्धं पटिच्च तयो खन्धा…पे… द्वे खन्धे…पे…. (१)

१०. सेक्खं धम्मं पटिच्च नेवसेक्खनासेक्खो धम्मो उप्पज्जति नआसेवनपच्चया – सेक्खे खन्धे पटिच्च चित्तसमुट्ठानं रूपं. (२)

सेक्खं धम्मं पटिच्च सेक्खो च नेवसेक्खनासेक्खो च धम्मा उप्पज्जन्ति नआसेवनपच्चया – विपाकं सेक्खं एकं खन्धं पटिच्च तयो खन्धा चित्तसमुट्ठानञ्च रूपं…पे… द्वे खन्धे…पे…. (३)

असेक्खं धम्मं पटिच्च असेक्खो धम्मो… तीणि.

नेवसेक्खनासेक्खं धम्मं पटिच्च नेवसेक्खनासेक्खो धम्मो उप्पज्जति नआसेवनपच्चया… नेवसेक्खनासेक्खं (एकं, परिपुण्णं, सेक्खञ्च, नेवसेक्खनासेक्खञ्च, घटना परिपुण्णा, द्वेपि कातब्बा. नव) नकम्मपच्चया – सेक्खे खन्धे पटिच्च सेक्खा चेतना.

नेवसेक्खनासेक्खं धम्मं पटिच्च नेवसेक्खनासेक्खो धम्मो उप्पज्जति नकम्मपच्चया – नेवसेक्खनासेक्खे खन्धे पटिच्च नेवसेक्खनासेक्खा चेतना; बाहिरं… आहारसमुट्ठानं… उतुसमुट्ठानं… एकं महाभूतं…पे….

नविपाकपच्चयो

११. सेक्खं धम्मं पटिच्च सेक्खो धम्मो उप्पज्जति नविपाकपच्चया – सेक्खं एकं खन्धं पटिच्च तयो खन्धा…पे…. (१)

सेक्खं धम्मं पटिच्च नेवसेक्खनासेक्खो धम्मो उप्पज्जति नविपाकपच्चया – सेक्खे खन्धे पटिच्च चित्तसमुट्ठानं रूपं.(२)

सेक्खं धम्मं पटिच्च सेक्खो च नेवसेक्खनासेक्खो च धम्मा उप्पज्जन्ति नविपाकपच्चया – सेक्खं एकं खन्धं पटिच्च तयो खन्धा चित्तसमुट्ठानञ्च रूपं…पे…. (३)

१२. नेवसेक्खनासेक्खं धम्मं पटिच्च नेवसेक्खनासेक्खो धम्मो उप्पज्जति नविपाकपच्चया (परिपुण्णं, पटिसन्धि नत्थि ).

सेक्खञ्च नेवसेक्खनासेक्खञ्च धम्मं पटिच्च नेवसेक्खनासेक्खो धम्मो उप्पज्जति नविपाकपच्चया – सेक्खे खन्धे च महाभूते च पटिच्च चित्तसमुट्ठानं रूपं. (१)

नआहारपच्चयादि

१३. नेवसेक्खनासेक्खं धम्मं पटिच्च नेवसेक्खनासेक्खो धम्मो उप्पज्जति नआहारपच्चया… नइन्द्रियपच्चया… नझानपच्चया… नमग्गपच्चया.

नसम्पयुत्तपच्चयो

१४. सेक्खं धम्मं पटिच्च नेवसेक्खनासेक्खो धम्मो उप्पज्जति नसम्पयुत्तपच्चया…पे… (नआरम्मणपच्चयसदिसं).

नविप्पयुत्तपच्चयादि

सेक्खं धम्मं पटिच्च सेक्खो धम्मो उप्पज्जति नविप्पयुत्तपच्चया. अरूपे सेक्खं एकं खन्धं पटिच्च तयो खन्धा…पे…. (१)

असेक्खं धम्मं पटिच्च असेक्खो धम्मो उप्पज्जति नविप्पयुत्तपच्चया – अरूपे असेक्खं एकं खन्धं पटिच्च तयो खन्धा…पे…. (१)

नेवसेक्खनासेक्खं धम्मं पटिच्च नेवसेक्खनासेक्खो धम्मो उप्पज्जति नविप्पयुत्तपच्चया – अरूपे नेवसेक्खनासेक्खं एकं खन्धं पटिच्च तयो खन्धा…पे… बाहिरं… आहारसमुट्ठानं… उतुसमुट्ठानं… असञ्ञसत्तानं…पे… नोनत्थिपच्चया… नोविगतपच्चया.

२. पच्चयपच्चनीयं

२. सङ्ख्यावारो

सुद्धं

१५. नहेतुया एकं, नआरम्मणे पञ्च, नअधिपतिया तीणि, नअनन्तरे नसमनन्तरे नअञ्ञमञ्ञे नउपनिस्सये पञ्च, नपुरेजाते सत्त, नपच्छाजाते नव, नआसेवने नव, नकम्मे द्वे, नविपाके पञ्च, नआहारे एकं, नइन्द्रिये एकं, नझाने एकं, नमग्गे एकं, नसम्पयुत्ते पञ्च, नविप्पयुत्ते तीणि, नोनत्थिया पञ्च, नोविगते पञ्च (एवं गणेतब्बं).

पच्चनीयं.

३. पच्चयानुलोमपच्चनीयं

हेतुदुकं

१६. हेतुपच्चया नआरम्मणे पञ्च, नअधिपतिया तीणि, नअनन्तरे नसमनन्तरे नअञ्ञमञ्ञे नउपनिस्सये पञ्च, नपुरेजाते सत्त, नपच्छाजाते नआसेवने नव, नकम्मे द्वे, नविपाके पञ्च, नसम्पयुत्ते पञ्च, नविप्पयुत्ते तीणि, नोनत्थिया पञ्च, नोविगते पञ्च (एवं गणेतब्बं).

अनुलोमपच्चनीयं.

४. पच्चयपच्चनीयानुलोमं

नहेतुदुकं

१७. नहेतुपच्चया आरम्मणे एकं, अनन्तरे समनन्तरे सहजाते अञ्ञमञ्ञे निस्सये उपनिस्सये पुरेजाते आसेवने कम्मे विपाके आहारे इन्द्रिये झाने मग्गे सम्पयुत्ते विप्पयुत्ते अत्थिया नत्थिया विगते अविगते एकं (एवं गणेतब्बं).

पच्चनीयानुलोमं.

पटिच्चवारो.

२. सहजातवारो

(सहजातवारो पटिच्चवारसदिसो.)

३. पच्चयवारो

१. पच्चयानुलोमं

१. विभङ्गवारो

हेतुपच्चयो

१८. सेक्खं धम्मं पच्चया सेक्खो धम्मो उप्पज्जति हेतुपच्चया… तीणि (पटिच्चवारसदिसं).

असेक्खं धम्मं पच्चया असेक्खो धम्मो उप्पज्जति हेतुपच्चया… तीणि (पटिच्चवारसदिसं).

१९. नेवसेक्खनासेक्खं धम्मं पच्चया नेवसेक्खनासेक्खो धम्मो उप्पज्जति हेतुपच्चया (परिपुण्णं), महाभूते पच्चया चित्तसमुट्ठानं रूपं कटत्तारूपं उपादारूपं, वत्थुं पच्चया नेवसेक्खनासेक्खा खन्धा. (१)

नेवसेक्खनासेक्खं धम्मं पच्चया सेक्खो धम्मो उप्पज्जति हेतुपच्चया – वत्थुं पच्चया सेक्खा खन्धा. (२)

नेवसेक्खनासेक्खं धम्मं पच्चया असेक्खो धम्मो उप्पज्जति हेतुपच्चया – वत्थुं पच्चया असेक्खा खन्धा. (३)

नेवसेक्खनासेक्खं धम्मं पच्चया सेक्खो च नेवसेक्खनासेक्खो च धम्मा उप्पज्जन्ति हेतुपच्चया – वत्थुं पच्चया सेक्खा खन्धा, महाभूते पच्चया चित्तसमुट्ठानं रूपं. (४)

नेवसेक्खनासेक्खं धम्मं पच्चया असेक्खो च नेवसेक्खनासेक्खो च धम्मा उप्पज्जन्ति हेतुपच्चया – वत्थुं पच्चया असेक्खा खन्धा, महाभूते पच्चया चित्तसमुट्ठानं रूपं. (५)

२०. सेक्खञ्च नेवसेक्खनासेक्खञ्च धम्मं पच्चया सेक्खो धम्मो उप्पज्जति हेतुपच्चया – सेक्खं एकं खन्धञ्च वत्थुञ्च पच्चया तयो खन्धा…पे… द्वे खन्धा. (१)

सेक्खञ्च नेवसेक्खनासेक्खञ्च धम्मं पच्चया नेवसेक्खनासेक्खो धम्मो उप्पज्जति हेतुपच्चया – सेक्खे खन्धे च महाभूते च पच्चया चित्तसमुट्ठानं रूपं. (२)

सेक्खञ्च नेवसेक्खनासेक्खञ्च धम्मं पच्चया सेक्खो च नेवसेक्खनासेक्खो च धम्मा उप्पज्जन्ति हेतुपच्चया – सेक्खं एकं खन्धञ्च वत्थुञ्च पच्चया तयो खन्धा…पे… द्वे खन्धा. सेक्खे खन्धे च महाभूते च पच्चया चित्तसमुट्ठानं रूपं. (३)

असेक्खञ्च नेवसेक्खनासेक्खञ्च धम्मं पच्चया… तीणि (सेक्खसदिसा).

आरम्मणपच्चयो

२१. सेक्खं धम्मं पच्चया सेक्खो धम्मो उप्पज्जति आरम्मणपच्चया… एकं.

असेक्खं धम्मं पच्चया असेक्खो धम्मो… एकं.

नेवसेक्खनासेक्खं धम्मं पच्चया नेवसेक्खनासेक्खो धम्मो उप्पज्जति आरम्मणपच्चया… एकं, वत्थुं पच्चया नेवसेक्खनासेक्खा खन्धा, चक्खायतनं पच्चया चक्खुविञ्ञाणं…पे… कायायतनं पच्चया कायविञ्ञाणं, वत्थुं पच्चया नेवसेक्खनासेक्खा खन्धा. (१)

नेवसेक्खनासेक्खं धम्मं पच्चया सेक्खो धम्मो उप्पज्जति आरम्मणपच्चया – वत्थुं पच्चया सेक्खा खन्धा. (२)

नेवसेक्खनासेक्खं धम्मं पच्चया असेक्खो धम्मो उप्पज्जति आरम्मणपच्चया – वत्थुं पच्चया असेक्खा खन्धा. (३)

सेक्खञ्च नेवसेक्खनासेक्खञ्च धम्मं पच्चया सेक्खो धम्मो उप्पज्जति आरम्मणपच्चया – सेक्खं एकं खन्धञ्च वत्थुञ्च पच्चया तयो खन्धा…पे… द्वे खन्धा. (१)

असेक्खञ्च नेवसेक्खनासेक्खञ्च धम्मं पच्चया असेक्खो धम्मो उप्पज्जति आरम्मणपच्चया – असेक्खं एकं खन्धञ्च वत्थुञ्च पच्चया तयो खन्धा…पे… द्वे खन्धा. (१)

अधिपतिपच्चयादि

२२. सेक्खं धम्मं पच्चया सेक्खो धम्मो उप्पज्जति अधिपतिपच्चया… अनन्तरपच्चया… समनन्तरपच्चया… सहजातपच्चया… अञ्ञमञ्ञपच्चय… निस्सयपच्चया … उपनिस्सयपच्चया… पुरेजातपच्चया… आसेवनपच्चया – सेक्खं एकं खन्धं पच्चया तयो खन्धा…पे…

नेवसेक्खनासेक्खं धम्मं पच्चया नेवसेक्खनासेक्खो धम्मो उप्पज्जति आसेवनपच्चया – नेवसेक्खनासेक्खं एकं खन्धं पच्चया…पे… वत्थुं पच्चया नेवसेक्खनासेक्खा खन्धा. (१)

नेवसेक्खनासेक्खं धम्मं पच्चया सेक्खो धम्मो उप्पज्जति आसेवनपच्चया – वत्थुं पच्चया सेक्खा खन्धा. (२)

सेक्खञ्च नेवसेक्खनासेक्खञ्च धम्मं पच्चया सेक्खो धम्मो उप्पज्जति आसेवनपच्चया – सेक्खं एकं खन्धञ्च वत्थुञ्च पच्चया तयो खन्धा…पे… द्वे खन्धा. (१)

कम्मपच्चयादि

२३. सेक्खं धम्मं पच्चया सेक्खो धम्मो उप्पज्जति कम्मपच्चया… विपाकपच्चया – विपाकं सेक्खं एकं खन्धं…पे… आहारपच्चया… इन्द्रियपच्चया… झानपच्चया… मग्गपच्चया… सम्पयुत्तपच्चया… विप्पयुत्तपच्चया… अत्थिपच्चया… नत्थिपच्चया… विगतपच्चया… अविगतपच्चया.

१. पच्चयानुलोमं

२. सङ्ख्यावारो

सुद्धं

२४. हेतुया सत्तरस, आरम्मणे सत्त, अधिपतिया सत्तरस, अनन्तरे सत्त, समनन्तरे सत्त, सहजाते सत्तरस, अञ्ञमञ्ञे सत्त, निस्सये सत्तरस, उपनिस्सये सत्त, पुरेजाते सत्त, आसेवने चत्तारि, कम्मे सत्तरस, विपाके सत्तरस, आहारे सत्तरस, इन्द्रिये झाने मग्गे सत्तरस, सम्पयुत्ते सत्त, विप्पयुत्ते सत्तरस, अत्थिया सत्तरस, नत्थिया सत्त, विगते सत्त, अविगते सत्तरस (एवं गणेतब्बं).

अनुलोमं.

२. पच्चयपच्चनीयं

१. विभङ्गवारो

नहेतुपच्चयो

२५. नेवसेक्खनासेक्खं धम्मं पच्चया नेवसेक्खनासेक्खो धम्मो उप्पज्जति नहेतुपच्चया – अहेतुकं नेवसेक्खनासेक्खं एकं खन्धं पच्चया तयो खन्धा चित्तसमुट्ठानञ्च रूपं…पे… द्वे खन्धा. अहेतुकपटिसन्धिक्खणे…पे… खन्धे पच्चया वत्थु, वत्थुं पच्चया खन्धा, एकं महाभूतं पच्चया…पे… बाहिरं… आहारसमुट्ठानं… उतुसमुट्ठानं… असञ्ञसत्तानं…पे… चक्खायतनं पच्चया चक्खुविञ्ञाणं…पे… कायायतनं पच्चया कायविञ्ञाणं, वत्थुं पच्चया अहेतुका नेवसेक्खनासेक्खा खन्धा, विचिकिच्छासहगते उद्धच्चसहगते खन्धे च वत्थुञ्च पच्चया विचिकिच्छासहगतो उद्धच्चसहगतो मोहो. (१)

नआरम्मणपच्चयादि

२६. सेक्खं धम्मं पच्चया नेवसेक्खनासेक्खो धम्मो उप्पज्जति नआरम्मणपच्चया…पे…. (१)

सेक्खं धम्मं पच्चया सेक्खो धम्मो उप्पज्जति नअधिपतिपच्चया – सेक्खे खन्धे पच्चया सेक्खो अधिपति. (१)

असेक्खं धम्मं पच्चया असेक्खो धम्मो उप्पज्जति नअधिपतिपच्चया – असेक्खे खन्धे पच्चया असेक्खो अधिपति. (१)

नेवसेक्खनासेक्खं धम्मं पच्चया नेवसेक्खनासेक्खो धम्मो उप्पज्जति नअधिपतिपच्चया (परिपुण्णं) असञ्ञसत्तानं…पे… चक्खायतनं…पे… वत्थुं पच्चया नेवसेक्खनासेक्खा खन्धा. (१)

नेवसेक्खनासेक्खं धम्मं पच्चया सेक्खो धम्मो उप्पज्जति नअधिपतिपच्चया – वत्थुं पच्चया सेक्खो अधिपति. (२)

नेवसेक्खनासेक्खं धम्मं पच्चया असेक्खो धम्मो उप्पज्जति नअधिपतिपच्चया – वत्थुं पच्चया असेक्खो अधिपति. (३)

सेक्खञ्च नेवसेक्खनासेक्खञ्च धम्मं पच्चया सेक्खो धम्मो उप्पज्जति नअधिपतिपच्चया – सेक्खे खन्धे च वत्थुञ्च पच्चया सेक्खो अधिपति. (१)

असेक्खञ्च नेवसेक्खनासेक्खञ्च धम्मं पच्चया असेक्खो धम्मो उप्पज्जति नअधिपतिपच्चया – असेक्खे खन्धे च वत्थुञ्च पच्चया असेक्खो अधिपति. (१)

नअनन्तरपच्चयादि

२७. सेक्खं धम्मं पच्चया नेवसेक्खनासेक्खो धम्मो उप्पज्जति नअनन्तरपच्चया… नसमनन्तरपच्चया… नअञ्ञमञ्ञपच्चया… नउपनिस्सयपच्चया… नपुरेजातपच्चया… नपच्छाजातपच्चया (सत्त)… नआसेवनपच्चया… नकम्मपच्चया – सेक्खे खन्धे पच्चया सेक्खा चेतना.

नेवसेक्खनासेक्खं धम्मं पच्चया नेवसेक्खनासेक्खो धम्मो उप्पज्जति नकम्मपच्चया – नेवसेक्खनासेक्खे खन्धे पच्चया नेवसेक्खनासेक्खा चेतना. बाहिरं… आहारसमुट्ठानं… उतुसमुट्ठानं…पे… वत्थुं पच्चया नेवसेक्खनासेक्खा चेतना. (१)

नेवसेक्खनासेक्खं धम्मं पच्चया सेक्खो धम्मो उप्पज्जति नकम्मपच्चया – वत्थुं पच्चया सेक्खा चेतना. (२)

सेक्खञ्च नेवसेक्खनासेक्खञ्च धम्मं पच्चया सेक्खो धम्मो उप्पज्जति नकम्मपच्चया – सेक्खे खन्धे च वत्थुञ्च पच्चया सेक्खा चेतना. (१)

नविपाकपच्चयो

२८. सेक्खं धम्मं पच्चया सेक्खो धम्मो उप्पज्जति नविपाकपच्चया (सेक्खमूलके तीणि).

नेवसेक्खनासेक्खं धम्मं पच्चया नेवसेक्खनासेक्खो धम्मो उप्पज्जति नविपाकपच्चया (नेवसेक्खनासेक्खमूलके तीणि).

सेक्खञ्च नेवसेक्खनासेक्खञ्च धम्मं पच्चया सेक्खो धम्मो उप्पज्जति नविपाकपच्चया (सेक्खघटनेसु तीणि).

नआहारपच्चयादि

२९. नेवसेक्खनासेक्खं धम्मं पच्चया नेवसेक्खनासेक्खो धम्मो उप्पज्जति नआहारपच्चया… नइन्द्रियपच्चया… नझानपच्चया… नमग्गपच्चया… नसम्पयुत्तपच्चया… नविप्पयुत्तपच्चया… नोनत्थिपच्चया… नोविगतपच्चया…पे….

२. पच्चयपच्चनीयं

२. सङ्ख्यावारो

सुद्धं

३०. नहेतुया एकं, नआरम्मणे पञ्च, नअधिपतिया सत्त, नअनन्तरे पञ्च, नसमनन्तरे पञ्च, नअञ्ञमञ्ञे पञ्च, नउपनिस्सये पञ्च, नपुरेजाते सत्त, नपच्छाजाते सत्तरस, नआसेवने सत्तरस, नकम्मे चत्तारि, नविपाके नव, नआहारे एकं, नइन्द्रिये एकं, नझाने एकं, नमग्गे एकं, नसम्पयुत्ते पञ्च, नविप्पयुत्ते तीणि, नोनत्थिया पञ्च, नोविगते पञ्च (एवं गणेतब्बं).

पच्चनीयं.

३. पच्चयानुलोमपच्चनीयं

हेतुदुकं

३१. हेतुपच्चया नआरम्मणे पञ्च, नअधिपतिया सत्त, नअनन्तरे नसमनन्तरे नअञ्ञमञ्ञे नउपनिस्सये पञ्च, नपुरेजाते सत्त, नपच्छाजाते सत्तरस, नआसेवने सत्तरस, नकम्मे चत्तारि, नविपाके नव, नसम्पयुत्ते पञ्च, नविप्पयुत्ते तीणि, नोनत्थिया पञ्च, नोविगते पञ्च (एवं गणेतब्बं).

अनुलोमपच्चनीयं.

४. पच्चयपच्चनीयानुलोमं

३२. नहेतुपच्चया आरम्मणे एकं, अनन्तरे समनन्तरे सहजाते अञ्ञमञ्ञे एकं…पे… अविगते एकं (एवं गणेतब्बं).

पच्चनीयानुलोमं.

पच्चयवारो.

४. निस्सयवारो